Wb/nia/Fetero II/3
Tenga faya wangawuli Keriso andrö[edit | edit source]
I. 1 Sambua sa'ae zilalö suragu, ya'ami ni'omasi'ö, nisuragu khömi, ba no faoma famasugi ba dödömi gera-era sohau-hau,[1] 2 ena'ö itörö tödömi daroma li andrö, nihönagö zama'ele'ö ni'amoni'ö andrö fanguma'ö, ba oroisa zinenge andrö khömi, ba khö Zo'aya ya'ita, sangorifi ya'ita.[2] 3 Da'ö zi a'a zaboto ba dödömi ena'ö wa so dania zango'aya, na luo safuria andrö, sanörö lala wangisö andrö khöra.[3] 4 ba sanguma'ö: Hezo gamabu'ula linia andrö, ba wa'asonia? Me no aefa mate ndra tua sa, ba lö tebulö fefu, hadia ia, si mane ya'ia i'otarai ba mböröta nifazökhi Lowalangi.[4] 5 Noa sa ni'odödögö wa tobini khöra, wa no i'otarai föna sa'ae so mbanua si yaŵa ba tanö tou, moroi ba nidanö, moroi ba daroma li Lowalangi,[5] 6 si moi göi famakiko danö'a da'ö; inönöi idanö.[6] 7 Ba banua si yaŵa iada'e ba tanö iada'e, ba no mutenagö, ba daroma li da'ö göi, no mutaha, ba wamatörö ba galitö, na luo wanguhuku andrö, no luo wa'atekiko niha si lö mangata'ufi Lowalangi.[7] 8 Ba böi yatobini khömi zi sambalö andrö, ya'ami ni'omasi'ö; khö Zo'aya, ba no timba zi hönö fakhe zi ma'ö-ma'ökhö, ba timba zi ha ma'ö-ma'ökhö zi hönö fakhe.[8] 9 Lö i'aragö gamabu'ula li andrö So'aya, si mane niŵa'ö niha ösa, wa fangaragö, ha fa'ebolo dödönia, börö ita, ba lö omasi ia tekiko ösa, ena'ö ahori falukha ira wamalalini era-era.[9] 10 Ba hulö wa'aso zanagö, na irugi dania luo Zo'aya andrö, ba zofetu dania banua si yaŵa, wa'ataya, ba ba zadudu börötania, ba wa'akhozi, ba zakhozi tanö, awö nifazökhi, ba guli danö andrö.[10]
Famarou tödö ba wamaondragö ya'ia[edit | edit source]
II. 11 Ba me sadudu da'ö fefu, ba hadia, lö miforege wanörö lala satulö andrö, awö wangata'ufi Lowalangi?[11] 12 ba wanötöna, ena'ö irugi luo Lowalangi andrö, ba wehulu dödö ba da'ö ya'ia mbörö wa adudu mbanua si yaŵa, ba galitö, ba börö wa'alau mbörötania andrö, ba wa'akhozi.[12] 13 Ba tadöna-döna mbanua si yaŵa, si bohou, ba tanö si bohou, dali gamabu'ula linia andrö — ba zahono fa'atulö dödö.[13] 14 Andrö, ya'ami ni'omasi'ö, me midöna-döna zi manö, ba mi'owölö-ölögö, ena'ö lö hadia ia zi tokana ba sinegu khömi, fönania, na ifaigi, ba wa'atulö.[14] 15 Ba fangorifi, miŵa'ö tödömi, wa'ebolo dödö Zo'aya ya'ita andrö, si mane nisura Waulo göi khömi, talifusöda ni'omasi'ö andrö, ba wa'atua-tua andrö, nibe'e khönia,[15] 16 si mane fehedenia göi, na itörö linia da'ö, ba zura andrö, fefu, ba zi so ösa zafökhö famotokhi, nifuyu'ö zi lö mufahaö andrö ba si lö aro tödö, si mane sura bö'ö andrö göi, ba wamakiko ya'ira.[16] 17 Ba ya'ami ni'omasi'ö, me no tohöna mi'ila, ba mi'angelama, fa lö adöni ami göi ba wa'elungu zi lö molo'ö andrö, ba fa lö tebulö ami ba wa'aromi andrö.[17] 18 Ba yatedou khömi wa'ebua dödö andrö, ba fa'aboto ba dödömi Zo'aya ya'ita, Yesu Keriso, sangorifi ya'ita. Ya khönia zumange, he iada'e, ba he na luo si lö aetu andrö.[18]
Famotokhi ba gahe[edit | edit source]
- ↑ Faigi 1:13; FetI 5:12
- ↑ Yud 17
- ↑ TimI 4:1; Yud 18
- ↑ Hes 12:22; Yes 5:19
- ↑ Sin 136:6; 33:6
- ↑ Faigi 2:5; MozI 7:11 b.t.
- ↑ Faigi 2:9; Mat 24:35 b.t.
- ↑ Sin 90:4
- ↑ Faigi 3:15; Heb 10:37; Hes 18:23; 33:11
- ↑ Mat 24:43 b.t.; TesI 5:2; Yes 51:6; Sin 102:27
- ↑ Luk 21:36
- ↑ Fil 3:20
- ↑ Yes 65:17; Heb 2:5; Fam 21:27
- ↑ TesI 5:23
- ↑ Faigi 3:9; Rom 2:4
- ↑ Rom 8:19
- ↑ TesII 2:2; KorI 15:58
- ↑ Kol 1:9–11; FetI 5:11
Fabaliŵa lala[edit source]
Olayama Zura Fetero II: 1 • 2 • 3
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö