Wb/nia/Fetero II/1

Add links
From Wikimedia Incubator
< Wb‎ | nia‎ | Fetero II
Wb > nia > Fetero II > 1

Fangowai[edit | edit source]

I. 1 Simoni Fetero zanura da'e, enoni Yesu Keriso ba sinengenia, ba zi no falukha famati omasi'ö andrö, si mane khöma, ba wa'atulö dödö andrö, khö Lowalangida, ba khö Zo'aya ya'ita, Yesu Keriso. 2 Yafalukha ami wa'ebua dödö ba fa'ohahau dödö, yafahöna, ba wa'aboto ba dödömi Lowalangi, awö Yesu, So'aya ya'ita![1]

Famarou tödö ba mbua-bua niha Keriso[edit | edit source]

II. 3 Me noa sa i'amualagö khöda, ba wa'abölö Lowalangi andrö khönia, fefu zoguna ba wangorifi ba ba wolo'ö khö Lowalangi, balazi wa'aboto ba dödöda zogaoni ya'ita andrö, moroi ba lakhömi andrö ba moroi ba wa'asökhi dödö andrö khönia,[2] 4 ba ni'amualagö khöda fondrege zebua gamabu'ula li andrö, sebua böli, ena'ö möi khömi göi gamuata Lowalangi andrö, ba da'ö, na no mi'efa'ö ami ba wa'atekiko andrö, ba wangisö andrö, ba guli danö.[3] 5 Ba andrö ya'a'oi so wa'owölö-ölömi, ba wangoroma'ö bua-bua si sökhi, ba wamatimi andrö, ba ba mbua-bua si sökhi, ba fa'aboto ba dödö, 6 ba ba wa'aboto ba dödö, ba fanaha tödö, ba ba wanaha tödö, ba fa'anau gölö, ba ba wa'anau gölö, ba fangata'ufi Lowalangi, 7 ba ba wangata'ufi Lowalangi, ba fangomasi'ö talifusö, ba ba wangomasi'ö talifusö, ba fangomasi'ö niha fefu.[4] 8 Na so khömi da'ö sa, ba na tedou-dou, ba lö areu ami, ba tenga si lö bua ibe'e, ba wa'aboto ba dödömi Zo'aya ya'ita, Yesu Keriso;[5] 9 si lö da'ö sa, ba sau'a da'ö, no abösi, ba no olifu ia wangehao andrö, fameta horönia föna andrö.[6] 10 Andrö mendrua manö mi'owölö-ölögö, ya'ami ira talifusö, wanga'aro'ö fogaoni ya'ami andrö, awö wanutuyu ya'ami andrö; na milau da'ö sa, ba lö'ö manö te'ala ami. 11 Na si manö sa, ba lö te'ambösi khömi dania lala ba mbanua si lö tebulö andrö, khö Zo'aya ya'ita andrö, sangorifi ya'ita, Yesu Keriso. 12 Andrö wa lö ufamalö-malö wamasugi ba dödömi da'ö, he ŵa'ae no mi'ila, ba he ŵa'ae no aro dödömi ba zi duhu andrö, si so khömi.[7] 13 Ba no amaedola gömögu da'ö, uŵa'ö tödögu, fatua sodo ba nose andre, fa böi mörö ami ube'e, na ufasugi ba dödömi,[8] 14 me no u'ila, lö ara tö, ba uröi nosegu andre, me no ibokai göi khögu da'ö So'aya ya'ita, Yesu Keriso.[9] 15 Ba uforege göi, ena'ö lö mamalö-malö so khömi, na no mofanödo, fa mi'ila mifasugi ba dödömi da'ö.

Si duhu wamahaö niha Keriso andrö[edit | edit source]

III. 16 Tenga sa faya-faya, nifakhai dödö, dali khöma mege, me ma'ombakha'ö khömi wa'abölö Zo'aya ya'ita, Yesu Keriso, ba fa'ato'elenia; noa sa si no anehe-nehe fa'asalaŵania ndra'aga;[10] 17 noa sa itema khö Lowalangi Ama zumange ba lakhömi, me tetandrösaigö khönia li andrö, moroi ba lakhömi andrö, si no ebua sibai, me imane: "Onogu omasiö da'ö, wa'omasigu ia."[11] 18 Ba li andrö, ba no marongo, moroi ba mbanua si yaŵa, me soga khönia, ba hili ni'amoni'ö andrö,[12] 19 ba no sambua na wa'aro li zama'ele'ö andrö, khöda, ba si sökhinia, na mitöngöni ia, hulö wandru, sohagaini naha si no ogömi-gömi, irege tobaha fa'amoluo, ba irege no tumbu madala andrö ba dödömi.[13] 20 Na si a'a zaboto ba dödömi, wa tenga lua-lua gera-era niha fefu, hadia ia, wama'ele'ö andrö, ba zura.[14] 21 Lö'ö sa irai tumbu hadia ia wama'ele'ö ba wa'edöna niha, nifatörö Geheha ni'amoni'ö niha, na humede ira; ba Lowalangi moroi.[15]

Famotokhi ba gahe[edit | edit source]

  1. ↑ Yoh 17:3; FetI 1:2
  2. ↑ FetI 2:9
  3. ↑ Yoh 1:12; YohI 2:15–17
  4. ↑ FetI 1:22; TesI 3:12
  5. ↑ Tit 3:14; Yoh 15:16
  6. ↑ YohI 2:9–11
  7. ↑ Rom 15:14,15
  8. ↑ KorII 5:1,4
  9. ↑ TimII 4:6; Yoh 21:18,19
  10. ↑ TimI 1:4; Mat 17:1,2; YohI 1:1
  11. ↑ Mat 3:17; 17:5
  12. ↑ Mar 9:2
  13. ↑ Yoh 5:39; Sin 119:105; KorII 4:6; Fam 2:28; Mal 2:4
  14. ↑ KorI 2:11
  15. ↑ SamII 23:2; Yes 34:16; Mat 10:20; 22:43

Fabaliŵa lala[edit source]

Olayama Zura Fetero II: 1 • 2 • 3

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fetero_II/1&oldid=6229873"