Wt/zea/ofbruje

Zeêuws

Etymologie

Van of- en bruje, wat-a kom van Middelnederlands bruden 'neuke, naoie'. Vanous moet dit dus 'n vreêd plat woôrd gewist weze, dat-a meêr g'accepteêrd wier as d'oôrsproenkelijke beteikenisse vergete wier. Opmerkelijk is dat bruje los nie vòkomt (of teminsten nie is opgegeve); daevò zeie ze op Flakkee brue (ziet dae). Ok opmerkelijk is dat 't werkwoôrd 'afvaolle' beteikent, en nie 'afgoôie', wat-a buten twuvel d'oôrsproenkelijke beteikenisse moe zien gewist. Vergliekt vedder 't Nederlandse verbruid.

Omschrievienge

ofbruje Flakkees (Menheerse/Sommelsdiek)

• afstuke (mee geweld) afvaolle

Uutspraek

[ˈɔfˌbryjə]

Vervoegienge

infinitief	ofbruje(n)
gerundium	of te brujene
tegewoordigen tied	ik bruuj of	oôns bruje of
	jie bruuj(t) of (bruje of)	julder bruje of
	'ie bruuj(t) of	'ulder bruje of
flejen tied	ik, jie, 'ie bruujde of	oôns, julder, 'ulder bruujde of
gebieënde wieze	bruuj(t) of
onvoltoôid deêlwoôrd	ofbrujende
voltoôid deêlwoôrd	is ofgebruujd
Ziet vò details en verschillen tussen de Zeêuwse dialecten 't artikel Zeêuwse grammaotica op Wikipedia.

Varianten

ʻt WZD geeft as varianten afbruje(n) en ofbrujen, mae meedat dit woôrd allêne in Menheerse-Sommelsdiek is gevonde meug je anneme dan die vurmen nie vòkomme.

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 15

• Dr. Frans Debrabandere (red.), Zeeuws etymologisch woordenboek. De herkomst van de Zeeuwse woorden. Uutgeverie Atlas, Amsterdam/Antwerpen, 2007: blz. 74-5