Wp/vmf/Nämbercher Lorenzkärrng
Däi Lorenzkärrng is a goodische Kärrng un ans vo die Woarzeing vo Nämberch. Sie lichd in der Lorenzer Aldschdadd, däi wou nach ihr benannd is, siidlich vo der Bängerds. Baubeginn vo der urschbrüngli dreischiffichn, hochgodischn Basiliga woar um 1250, vollended worrn is des schbädgodische Hallenchor 1477. Der Badron vo der Kärrng is der Heiliche Lorenz. An der Ausschdaddung hom beriehmde Nämbercher Moler un Billdhauer miidgwirrgd. Des „Sagramendshaus“ beischbillsweis is a bsonders schäins un fasd 19 Meder houchs Sandschdaadabernagl, der „Englische Gruß“ is a Hulzblasdig von an houchn ginsdlerischn Werd un däi Kaiserfensder hodd Friedrich II gschdifd. Däi dreideiliche Lorenzer Orgl is anne vo däi grässdn Orgln af der Weld. A weiders Brunggschdigg is a schdeinere Roseddn an der Wesdfassadn, der „Schderrn vo Lorenz“.
Däi Lorenzkärrng is im Zwadn Weldgriech durch Bombndreffer schwer bschädichd worrn. Am 10. Augusd 1952 (Laurendiusdooch) hodd der erschde Goddesdiensd in der widderafbaudn Kärrng schdaddgfundn. Heidzdoch kumma jährlich zirrga 750.000 Bsucher in däi Lorenzkärrng.
Im Nedz
[edit | edit source]