Wp/vmf/Aueroggs

From Wikimedia Incubator
< Wp‎ | vmfWp > vmf > Aueroggs
Jump to navigation Jump to search


This article is in Anschbacherisch, subdialect of the Ansbach surroundings.


Aueroggs im Aurachdol bai Bambärch

Der Aueroggs is dä wilde Vufoor fom Hausrind. Bis ins Middlalder wor´är in vil Geechngden vo Daidschland nu haimisch. Er is obbä scho doamols immer seldner woarn. Där ledschd Aueroggs is im Johr 1627 in Bohln därschossn woarn. Die Bulln woarn gresser als haidicha Hummln und die Kia worn aa gresser als haidicha Hauskia. Nomoalerwais hom Aueroggsn a schwadza Farb ghood mid an helln Riggnschdraifm. Di Kia worn braun. Vor allem bei die Aueroggsnbulln sin di Härner vill grässer gweesn wia bai haidiche Rinder.

Am Oofang vom 20. Johrhundärd hod mä versuchd verschiedna Rindersorddn midänander zu graizn mim Ziel das ma a Rind rausgriachd, des wo meglischd ausschaud wia a Aueroggs. Nach denna Laid, dia wo des brobierd hom (die Heck-Briader), nennd mä dia Rinder, die dobai rauskumma sin Heggrinder (schandarddaidsch: Heckrinder). Ofd werns Aueroggsn gnennd, wos obä ganugnumma ned ganz richdich is.

Sedda Heggrinder gibds haid in Daidschland vielerords halbwild in grässere eizainde Beraiche. In Frangng gibds zum Baisschibill im Aurachdool bei Bambärch a Grubbm Heggrinder. Ned waid außerhalb vo Franggng, in Auärbach in der Oberpfalz gibds aa a großa Härd.