Wp/tzm/Lodovico Ferrari
Lodovico de Ferrari (2 brayeṛ 1522 – 5 ktubeṛ 1565) ikka-t-inn iga yan umusnak awṭalyan.
Ilul-d g Bulunya, issenta "carrière"-nnes amm umawas ɣur Gerolano Cardano. Tuman ɣur Ludovico yat tiḥerci icwan kigan, ayenna af iɣtes Cardano ad t-isselmed tusnakt.Ittawssan s uferru-nnes i tagda "quartic", nna ifser Cardano g warra-nnes Ars Magna. G tɛurrma-nnes, iɣey ad yameẓ yat tesɣent n usselmed ilan atig g Ṛuma, ḍart mayd yumeẓ dig-s Cardano tanaft-nnes isemmter-as-tt. Isekkus Ferrari g twuri-nnes llig yiweḍ 42 useggʷas, isul ukan imeẓẓi akud-nna, yili s wayda-nnes. Yuɣul s teɣremt-nnes n Bulunya, izdeɣ akked ultmas Maddalena nna igan yat tedgalt, iqbel yat tesɣent n usselmed n tusnakt g tɣiwant n Bulunya aseggʷas 1565, maca ḍart uyenna s yan imikk, immut s usetci n uzernix umlil (white arsenic), ɣef uyenna ittini umata; ultmas ad d-ikka lḥal.
Tanfalit Cardano-Tartaglia
[edit | edit source]Aseggʷas n 1535, ibbaqqi ger Ferrari d yan ggu uzemz-nnes nna igan s yisem Niccolò Fontana Tartaglia yan umcubbek ittwassnen, g mayd iqqnen ɣer usefru n tagdiwin "cubic". Tullisin-nna, n wis izzri Tartaglia akkʷ ayenna as-iqqiman g wussan-nnes; da ittarem ad dig-s ixlu tisellit n umɣar-nnes amezwar d uselmad n Ferrari akud-ann, irwas uggar is d ɣas ibaḍan ad gant. Imussnawen n umezruy n yimusnaken ass-a, da ttraran ajmil n usefru n tagdiwin-ad i Cardano d Tartaglia s sin-idsen, da as-tteggan s yisem "tanfalit Cardano–Tartaglia" (Cardano-Tartaglia formula).