Wp/srr/NGel Ñoowdandir Ceereer
NGel Ñoowdandir Ceereer nene (NG. Ñ. C) (na Seereer, na Angale: The Seereer Resource Centre (SRC), na Farañse: Centre de ressources Seereer (CRS)), ke tax’ina ta geennel, ten refu o ñoowin fo damit ɗelem no Seereer fo Cangin ke, cosaan, istuwaar, o ngim fa a baadin no Seereer, dimle xa ɓiy Seereer axe neewna doole kam Senegambi no cangir, ngeenin qel fo yoɓandand Seereer we a cokax na Enternet fe boo da mbaago ɓaatraa a yiif no mosel, o njiriñ, fo o yaajel no cosaan no Seereer.
Tamsir Juuf koy ten jeg’u yiif no geenin nGel Ñoowdandir Ceereer na 2008. Ke waraluna refu ke a cang a Seereer a jegeerna no Eternet fee. Eetaan, cangnitaa a Seereer fo cangin ke no Eternet fee soom tax’u ino inu. Na 2010 koy teen i ɓaatu na cangnale lakas mayu kaa duqna no ceereer ne. Xa kiid xa ƭaq axene mbafna koy, calel mayu njofin e no ke farna no , pindel, a safe, ƥaxan, widewo ka soɗeena, fa nan-gilwel,etc, fop koy a duq no istuwaar, cosaan, o gim fa a baadin no Seereer.