Wp/srr/Cosaan

O MIIS...

Mbaldoo o fog ole,

Jam fa nuun, jam took jam a lanq.

Jam no ƃemb Roog o ñamaak, jam no ƃemb Roog o njanuun.

Jam a adu, jam a reef, jam a rok a ndeer. Yaasam Roog a barke a nuun.

Xaye koy kaam bug'u gaariid no kaa jegoogna no caate ke too a moocaa o ndang o ndang :

• O miis : O miis a yooƃ'a jegaa yaa ndiig a matiida, a jeg'u naa ta fi'toogeena no saate fuu refna. Ndaa ke moƳna garit o miis refu ƃisiid barke kam saax le fo rax a saytaane. Xa pes xa maak axe fox a pes xa teƃ axe yooƃ'un o mbiyaa. Ƥiiƃ cuc xan a inu a nqawlook, wene saq a kas fo a qali, wene laƤ, wene kidi. Xan a ndet koƤ ala a nqawlook. No yaar olaa xan xa pes axe ndokiid no saax le fo ke da njegna ta yoon fo o mbec, da ngimaa ee: “E waay waay Fari yee!” No kirand naa, roog we ndoomuna no hiid ole xan a mbog no mbec onqe. O mbeq onqeene kaa jeg o njiriiñ, yaam Roog weene kaa ƭeetoogel nen xa qol axe nqeleena nduuf, a cooxitkaa ñoowir. O mbec onqe xan a yoon fo mbak mbelu. A pamb a nahak na mbakaa o miis: a perngel a leng fo a qiin a tadak (a teƃ, o mbodu fo a maak).