Wp/sli/Aalt-Keenigshitte

Aalt-Keenigshitte

Ploan der Stoadt

Aalt-Keenigshitte (deutsch: Königshütte, pulsch: Królewska Huta) ies a historischer Stoadtteil eim heutiga Keenigshitter Urtsteil Mitte.

Gechiechte

Reden-Denkmoal

De Stoadtgemeende Keenigshitte eim arberschläscha Krees Aeberbeuthn woar zum 1. Mai 1869 entstanda ous dem Gutsbezirk Keenigshitte, Hüttenwerk und ous Teila der Landgemeende Chorzow und der Gutsbezirke Ober Heiduk, Mittel Lagiewnik, Ober Lagiewnik und Schwientochlowitz.

Seet dem 20. Juni 1884 galt der Name Keenigshitte Aeber-Schläsing oder abgekürzt Keenigshitte Ae.S.

Mit dam 1. April 1898 erhielt Keenigshitte O.S. den Status eenes Stoadtkreeses und schied damit ous dem Krees Aeberbeuthn ous.

Bei der Vulksobstimmung ei der Aeberschläsing om 20. März 1921 stimmta ei Keenigshitte 31.864 Woahlberechtigte (74,5 Prozent) fer anna Verbleib bei Deutschland und 10.764 Woahlberechtigte (25,2 Prozent) fer anne Oabtretung oan Pullakei. De Woahlbeteiligung betrug 97,1 Prozent, es wurda 130 ungültige Stimma (0,3 Prozent) gezählt.

Oam 19. Juni 1922 wurde de Stoadt Keenigshitte trotzdem oan Pullakei oabgetreta. Keenigshitte erhielt nunmehr anne pulsche Iebersetzung des aala Noamens: Królewska Huta.

Eim Stoadtrat hielt sich beinahe de gesoamte Zeit bis 1939 anne deutsche Mehrheet.

Oam 1. April 1934 wurde de Landgemeende Chorzow und 1937 Neu Haiduk (Hajduki Nowe) der Stoadt Keenigshitte (Królewska Huta) einverleibt, de gleichzeitig den neua Noama Chorzow (Chorzów) annahm. De Gemeende Chorzów hieß seitdem ols Stoadtteil Aale-Chorzow (Chorzów Stary).