Wp/ryu/沖縄美ら海水族館

沖縄美ら海水族館

沖縄美ら海水族館（うちなーちゅらうみすいぞっくゎん/uchināchuraumisuizokkwan/ 大和口:沖縄美ら海水族館/okinawachuraumisuizokukan/ 英口:Okinawa Churaumi Aquarium）ぉー、ジジ北西部ぬ本部半島備瀬崎ぬ近さる所んかいある国営沖縄記念公園・海洋博覧会地区 (海洋博公園内) ぬ水族館。壱般財団法人沖縄美ら島財団ぬ管理・運営そーん。

完成当初世界最大やたる大水槽「黒潮ぬ海」うぃーじゅるジンベエザメ、ナンヨウマンタんでーが人気でぃ、うちなーぬ著名やる観光地とぅなとーん。2005年 (平成17年) んかい亜米利加合衆国ぬジョージア水族館ぬ開館さりるまでぃ世界最大ぬ水族館でぃあたん。

水族館ぬ周辺んかえー、オキちゃん劇場 (ふぃーとぅショー) んでー、いちゃんだっし見学ないる施設ん整備さりとーん。

沖縄美ら海水族館ぉーうちなーをぅてぃ壱番（いっちん）人気ぬある観光名所でぃ、コロナ前壱年間入館者数が300萬人くぃーとーたん。やしが、宮処ぬ那覇からかーまんかいあてぃ、利用可能やる公共交通機関ぉーバスてーんやくとぅ、県外ぬ観光客ぬ行ちゅるばーやレントーカー使いるくとぅが多さん。移動時間ぉー、高速道路使たるばーでぃ片道約弐時間あたいでぃあくとぅ、滞在期間ぬうち丸壱日美ら海水族館とぅ、うぬ周辺ぬ観光んかい充てぃーるいりゆーぬあん。

概要

水族館内んかえー水量7,500平方ミーラーぬ世界最大級ぬ大水槽「黒潮ぬ海」設置するふか、総展示槽数ー77槽。

「うちなーぬ海とぅぬ出会い」カンセットゥんかい、いのー、珊瑚礁、黒潮ぬ海、深海とぅ様々やる海ぬ生物紹介そーん。

なかでぃん世界（しけー）をぅてぃはじみてぃ長期飼育んかいでぃかちゃるジンベエザメてぃがろーナンヨウマンタぬ人気ぬ展示とぅなてぃうぅい、ジンベエザメー水族館ぬキャラクターとぅむなとーん。また、「さば博士ぬじゃしち」をぅてー、さばにちいてぃぬ様々やる知識習ーさりるくとぅぬないる他、併設さりとーる「危険ザメぬ海」水槽んかえー、沖縄（うちなー）近海んかいん生息する危険ザメぬ壱種でぃあるオオメジロザメてぃがろーイタチザメんでーぬさば數種類んしたてぃらりとーん。2016年んかえー3.5mくれーぬホホジロザメぬ成魚ぬ飼育展示んかい成功、弎日後さる後まーちゃん。2008年 (平成20年) 7月末ぬ飼育數や約740種21,000点。

研究機関とぅしてぃぬ、新種海洋生物ぬ発見んかいん貢献そーん。シマツノコシオリエビ、新屬新種ぬシンカイサンゴガニぬふか、小型しーみ艇ちかてぃ2004年んかい石垣島とぅなかっし採取ししたてぃてぃちゃるイソギンチャクぬ新種やたんでぃ判明してぃ、「チュラウミカワリギンチャク」とぅ命名さるくとぅ2019年んかい発表そーる。

水族館ぬ壱けーから弐けーぬちゅん「黒潮ぬ海」水槽や、長さ35m×幅27m、深さ10m、水量7,500m3でぃ世界（しけー）やてぃん有數ぬまぎさ誇いん。観客とぅ大水槽ふぃじゃみーるアクリレッペァノーや高さ8.2m、幅22.5m、あちさ60cm、パネル総重量ー135トンあてぃ、ギネスブッ公認ぬ世界最大ぬアクリレッペァノーとぅなとーたしが、2008年 (平成20年) 10月んかいオウプンさるドバイ水族館ぬアクリレッペァノーんかい記録 更新さりたん。

水量7,500tぬ大水槽「黒潮ぬ海」水槽

外部リンク

• 公式サイト
• 海洋博公園