Wp/rsk/Осиф Фа
| Осиф Фа | |
|---|---|
 | |
| Народзени | 25. фебруара 1882. |
| Умар | 14. юния 1971. (89) |
| Державянство | угорске, югославянске |
| Язик творох | руски |
| Школа | Учительска школа, Ужгород |
| Период твореня | 1903—1945. |
| Жанри | образованє, просвита, |
| Поховани | на Руским теметове у Новим Садзе |
Осиф Фа (*25. фебруар 1882—†14. юний 1971), учитель у школи у Руским Керестуре.
Биоґрафия
Осиф Фа, народзени 25. фебруара 1882. року у Руским Керестуре. Основну школу Осиф Фа закончел у Руским Керестуре. Пошол на дальше школованє до учительскей школи у Ужгородзе. Збуло ше же Осиф Фа, ище док нє дипломовал, єден час робел як дoчасни учитель у Керестуре у периодзе од 23. септембра 1903. по 10. септембер 1904, року. Врацел ше до Ужгороду и закончел Учительску школу 1904. року. После того робел як учитель у Мадяр-Комяту. До Керестура пришол за учителя 5. авґуста 1911. року.
Кед почала Перша шветова война штирме учителє пошли зоз керестурскей школи до войни. Осиф Фа бул реґрутовани и вец бул зарабровани у Нишу.
Осиф Фа бул длугорочни учитель у Руским Керестуре и припада плеяди припознатих руских учительох з початку 20. вику. Бул єден од сновательох Руского народного просвитного дружтва (РНПД) 1918. року у Новим Садзе и його длугорочни секретар.
Осиф Фа бул у малженстве зоз Юлию. Мали штверо дзеци Михаила, Марию, Меланию и Наду.
По приходу на службу до Нового Саду Осиф Фа зоз фамелию, супругу Юлию и штверима дзецми, укладал усиловносци на отримованю нашей церкви, а єден час бул и предсидатель Церковного одбору.
Мено учителя Осифа Фа ше находзи у Календаре рочнїцох Дружтва за руски язик, литературу и културу. Секция Дружтва у Руским Керестура додзелює припознанє зоз його меном.
Учитель Осиф Фа умар 14. юния 1971. року. Поховани є на Руским теметове у Новим Садзе.
Литература
- Тамаш, др Юлиян: Учителє у школи у Руским Керестуре 1753.1941, Руски Керестур, лїтопис и история (1745-1991), Месна заєднїца Руски Керестур, 1992, бок . 413.
- Янко Рамач: Школа у Руским Керестуре (1753-1918), Грекокатолїцка парохия св. Петра и Павла, Нови Сад, 1995. б. 119 по 121.
Вонкашнї вязи
- История школи, вебсайт petrokuzmjak.com