Wp/rsk/Композиция

Композиция

Слово композиция (анґл. франц. composition) ^[1]ма двояке значенє:

1. Музичне дїло. Може буц вокалне, вокалнo-инструменталне и инструменталне. Особа хтора твори композицию волa ше композитор. Мизично образовани композиторе композициї пишу зоз нотним писмом – нотами, хтори познєйше граю виводзаче.

Звучни приклад композициї Ч. Лойда Свита: ч.1. Прелудиюм

Звучни приклад композициї Ч. Лойда, Свита ч.2. Алеманда

Композиция по форми може буц мала, як цо то писня, а може буц и зложена, як цо то симфония, кантата, опера лєбо ораториюм.^[2]

По жанру постоя народни, забавни, джез и класични композициї. У зависносци од наменки и числа виводзачох, вони ше дзеля на:

• Солистични композициї, компоновани за соло инструмент лєбо соло глас, а можу буц и зоз провадзеньом даєдного инструмента лєбо оркестри.

• Камерни композициї, писани за заєднїцке музикованє малих составох (дуо, трио, квартет, октет итд.)

• Оркестерски композициї, писани и аранжовани за оркестри.

• Хорски композициї, писани и аранжовани лєм за хор, без инструменталного провадзеня, волаю ше а-капела (ит. a cappella); хорски композициї можу буц и зоз провадзеньом даєдного инструмента лєбо оркестра.^[3]

2. Наука о компонованю, як предмет, виклада ше и виучує у музичних школох и на академийох и факултетох, оддїл за композицию. У тих установох формую ше и поставаю музично образовани фаховци-композиторе.^[4]

Перши наш руски академски композитор бул Иван Ковач. Оддїл композициї закончел у Беоґрадзе на Факултету музичней уметносци. Спада до плеяди сучасних войводянских композиторох.

Композиция: Георґ Фридрих Гендл, Пасакаля (епоха барока, нотна и звучна илустрация)

${ \new PianoStaff << \new Staff = "chords" << \magnifyStaff #3/4 \new Voice \relative c' { \set Staff.midiInstrument = #"harpsichord" \key g \minor \mark \markup { \abs-fontsize #10 { \bold { Passacaille } } } <bes' d>8. <c ees>16 <a c>8. <bes d>16 <c ees>8. <c ees>16 <bes d>8. <c ees>16 | <a c>8. <a f'>16 <g ees'>8. <a f'>16 <bes d>8. <bes d>16 <a c>8. <bes d>16 | <g bes>8. <a c>16 <fis a>8. <g bes>16 <a c>8. <a c>16 <g bes>8. <a c>16 | <fis a>8. <fis d'>16 <e c'>8. <fis d'>16 bes8 a g4 \bar "||" } \new Voice \relative c' { s1 s s s2 \stemDown g'2 } \new Staff \relative c' { \magnifyStaff #3/4 \set Staff.midiInstrument = #"harpsichord" \key g \minor \clef F <g bes d>2 <ees g c> <f a c> <bes, d f bes> <ees g bes> <c ees a> d4 d, g2 } \addlyrics \with { alignAboveContext = "chords" } { \override LyricText.font-size = #-1.5 Gm Cm F B♭ E♭ \markup{\concat{Am\super{(♭5)}}} D _ Gm } >> >> }$

Референци

↑ Радивой Лазич Кончертино у ґе-молу за кларинет и оркестер (нєбизовне жридло)
↑ Властимир Перичич Вецеязични словнїк музичних терминох
↑ Радивой Лазич Властимир Перичич, Основи музичней теориї
↑ Деян Деспич композитор (нєбизовне жридло)

[1] Радивой Лазич Кончертино у ґе-молу за кларинет и оркестер (нєбизовне жридло)

[2] Властимир Перичич Вецеязични словнїк музичних терминох

[3] Радивой Лазич Властимир Перичич, Основи музичней теориї

[4] Деян Деспич композитор (нєбизовне жридло)

[1]

[2]

[3]

[4]