Wp/rki/စူဠစန္ဒရား

စူဠစန္ဒြမင်း (အေဒီ၇၃၃-၇၆၉)

စန္ဒြ ၉ဆက်မြောက်မင်းမှာ စူဠစန္ဒြမင်းဖြစ်လီရေ။ ဦးယဉ်းနာဖြစ်၍ ဗေဒင်ဆရာတို့ ဟောကိန်းအရ ပဉ္စလ ရာဇ်သင်းတွဲပြည်သို့ လှေဖောင်ဖြင့် ကြွခရလီရေ။ အပြန်တွင် မော်တင်၌ လှေဖောင်ပျက်၍ နတ်ရွာစံခရလီရေ။ ထိုအခါ မိဖုရား စန္ဒာဒေဝီက လက်စွပ်နန့်တန်သူအား ရွေးချယ်၍ ထီးနန်းတင်ခရေ။ မင်းဖြစ်ရေအခါ မြိုလူမျိုး၊ အမြတူ၊ အမြကျွံ၊ ပဲဖြူရို့ ၂၄နှစ်အုပ်ချုပ်ခကြလီရေ။ ထိုမင်းရို့လက်ထက် မြောက်ဖက်မှ ဝင်လာရေလူတိက မဟာမုနိနန့် အခြေချနီထိုင်ခကြရာ ရွှေငွေရို့ကို တူးယူ၍ ဂန္ဓကုဋီကိုလည်း မီးရှို့ခကြကြောင်း ဒေါက်တာဖိုချမွာက ပြဆိုထားရေ၊ ထိုမင်းကို သျှမ်းမင်းသိုခ်ဘွားကြီးတိုက်ခိုက်ရေကြောင့် ဝေသာလီမြို့ပျက်စီးခရလီရေ။

ထိုပြူလူမျိုးလက်ထက်တွင်

“အတ္တနောမတိ၊ မိလက္ခတ်၊ ယုတ်ရေအကျင့်၊ အသိအလေ့ဟိရေ အမျိုးဖြစ်ရာ သာသနာရီးကိုမသိ၊ ဂါမဝါသီ စာလဇ္ဇီ၊ ပွဲကျောင်းရဟန်းစည်ကားလီ၍ သာသနာတော်ရေ ရီမှေးခကြလီရေ။” ဟု မင်းရာဇာကြီးစာတမ်း၌ ဆိုလီရေ။ ယင်းချင့်ကြောင့် ထိုမြိုမင်းကို စန္ဒြမင်းဧသားတော်ငမင်းငတုံ (စောရွှေလူး)မင်းက လုပ်ကြံ၍ဆက်ခံခလီရေ။