Wp/rki/စက်ရုပ်
စက်ရုပ်ဆိုစော်မှာ စက်မှု သို့မဟုတ် လူသားရို့ အတုအယောင်ပြုလုပ်ထားခြင်းဖြင့် လုပ်ငန်းဆောင်တာတိကို ဆောင်ရွက်ရေ အရာဟု အဓိပ္ပာယ်ဖွင့်ဆိုနိုင်ရေ။ စက်ရုပ်ရေ အသွင်သဏ္ဌာန် အားဖြင့်ကေလည်းကောင်း၊ လှုပ်ရှားလားလာပုံအားဖြင့်ကေလည်းကောင်း မိမိဘာသာမိမိ လားလာလှုပ်ရှား လုပ်ကိုင်နီရေ ဟူရေ အထင်အမြင်မျိုးကို ဖြစ်ပေါ်စေရေ။
မည်သို့ရေ စက်မျိုးကို စက်ရုပ်အဖြစ်သတ်မှတ်နိုင်ရေ ဆိုရေ အချက်ကို ဆွေးနွေးငြင်းခုံနီဆဲဖြစ်ကေလည်း ပုံမှန်အားဖြင့် စက်ရုပ်ရေ အောက်ပါအချက်အလက်တိထဲမှ အကုန်လုံးမဟုတ်စေကာမူ အချို့ရေအချက်အလက်တိဖြင့် ကိုက်ညီသင့်ရေ။
- ရွေ့လျားလားလာနိုင်ခြင်း
- စက်မှုနည်းဖြင့် ပြုလုပ်ထားရေ လက်တိဟိခြင်း
- ပတ်ဝန်းကျင်ကို အာရုံခံနိုင်ခြင်း နန့် ကိုင်တွယ်နိုင်ခြင်း
- လူနန့်တိရစ္ဆာန်ရို့ကို အတုခိုးရေ အပြုအမူတိကိုပြုလုပ်နိုင်ခြင်း ရို့အား ယျေဘူယအားဖြင့် သတ်မှတ်ကတ်ရေ။
စက်ရုပ်ဧ သွင်ပြင်လက္ခဏာတိကို သတ်မှတ်ခြင်း[edit | edit source]
စက်ရုပ်နန့် ပတ်သက်၍ တသမတ်တည်းဟိရေ အမြဲတမ်းမှန်ကန်ရေ အဓိပ္ပာယ်ဖွင့်ဆိုချက် မဟိကေလည်း အောက်ပါအချက်အလက်တိထဲမှ အချို့ သို့မဟုတ် အကုန်လုံးရေ အချက်အလက်တိဖြင့် ကိုက်ညီသင့်ရေ။
- သဘာဝအတိုင်း ဖြစ်ပေါ်ခြင်းမဟုတ်ပဲ လူသားမှ ဖန်တီးထားခြင်း။
- ပတ်ဝန်းကျင်ကို အာရုံခံနိုင်ခြင်း နန့် ပတ်ဝန်းကျင်ဟိ အရာဝတ္ထုတိကို ကိုင်တွယ်နိုင်ခြင်းနန့် ထိတွိ့မှုပြုနိုင်ခြင်း။
- ကြိုတင်ထည့်သွင်းထားရေ ပရိုဂရမ်အားဖြင့်ကေလည်းကောင်း အလိုအလျောက်ထိန်းချုပ်မှုအားဖြင့်ကေလည်းကောင်း ၎င်းဧ ပတ်ဝန်းကျင်တွင် ရွေးချယ်မှုပြုနိုင်ရေ စွမ်းရည်ဟိခြင်း။
- ကြိုတင်ချမှတ်ထားရေအစီအစဉ် (ပရိုဂရမ်) တိထည့်သွင်းနိုင်ခြင်း
- အတည့် သို့မဟုတ် လည်ပတ်ရေ ဝင်ရိုးတစ်ခုဖြင့် ရွေ့လျားနိုင်ခြင်း
- တိကျရေရွေ့လျားမှုဖြင့် Coordinate System အတွင်း ရွေ့လျားနိုင်ခြင်း
- ရည်ရွယ်ချက်ဟိဟိဖြင့် လူဧကိုယ်စားလှယ်ပမာ ဆောင်ရွက်ဟန် ပေါ်ပေါက်ခြင်း
စက်ရုပ်ဆိုရာတွင် လူ၊ ခွေး စသည့် သက်ဟိတစ်မျိုးမျိုးနန့် နီးစပ်စွာတူညီနီရမည်ဟု အထင်ဟိတတ်ကတ်ကေလည်းထိုသို့မဟုတ်ပါ။ စက်မှုလုပ်ငန်းသုံးစက်ရုပ်အများစုမှာ လုပ်ငန်းခွင်တိတွင် အဆင်ပြေချောမွေ့စွာ အလိုအလျောက် ထိန်းသိမ်းလုပ်ဆောင်နိုင်ခြင်း စွမ်းရည်ပါဟိရေ စက်လက်တုတိဖြစ်ပြီး ထုတ်ကုန်ကိုတွင်ကျယ်စွာ ထုတ်ပီးနိုင်ရီးအတွက် အလျဉ်းသင့်သလို တည်ဆောက် ထားကတ်ရရေ။ ထို့အပြင် ရူပဗေဒ၊ ဓာတုဗေဒ စမ်းသပ်မှုတိ၊နယူကလိယား ကဲ့သို့ရေ လူသားရို့အတွက် အန္တရာယ်ဟိစေနိုင်သည့် လုပ်ငန်းတိတွင် တွင်ကျယ်စွာ အသုံးပြုနီကတ်ရေ။
သမိုင်းကြောင်း[edit | edit source]
လူသားရို့ရေ အစစ်နန့်ခွဲခြားမရအောင်တူညီပြီး သာလွန်ရေစွမ်းရည်အချို့ပါဝင်သည့် ယန္တယားစက်ရုပ်အမျိုးမျိုး (စက်လူရုပ်၊ စက်ဆင်ရုပ်၊ စက်မြင်းပျံ) စရေရို့ကို တီထွင် ခိုင်းစေအသုံးခြနိုင်ရန် ရှေးအခါကပင်မြှော်လင့်ချက်ဟိခကတ်ရေ။ ခေါမတိုင်း၊ ရောမတိုင်း ဌာနီတိတွင် (မဟာဘူတ) ယန္တယားနည်းပညာတိ စကောမ စသည့်ဆန်းပြားရေ အလိုအလျောက်လှုပ်ရှားနိုင်သည့် ယန္တယားနည်းပညာရပ်တိကို စီရင်နိုင်သူ တတ်မြောက်ကျွမ်းကျင်သူရို့ဟိကတ်ပြီး အလွန်သိုသိပ်လျှို့ဝှက်စွာနီထိုင်ကတ်ရေဟု အယူဟိရေ။
ရိုဘော့[edit | edit source]
စက်ရုပ်ဟု သိထားကတ်သည့် Robot စကားလုံးကို ၁၉၂ဝ-ပြည့်နှစ်က ချက်ကိုစလိုဗက်ကီးယားလူမျိုး စာရီးဆရာ Karel Capek, R.U.R ရေ သူရီးသားသည့် Rossum’s Universal Robots ပြဇာတ်ဇာတ်လမ်းတွင်စတင် သုံးနှုန်းခရေ။ ၎င်းရေ Robota' ဆိုရေ စကားလုံးမှ ဆင်းသက်လာ၍ ချက်ဘာသာစကားအရ အလုပ်ကို ငြီးငွေ့ဖွယ် တကုပ်ကုပ် လုပ်နီရသူ (သို့မဟုတ်) မြေကျွန်တစ်ဦးဧ အလုပ်တိ ဖြစ်ပြီး စလိုဗက်ခ်ဘာသာစကားအရ အလုပ် ဖြစ်ရေ။ ၎င်းဇာတ်လမ်းရေ စိတ်ကူးယဉ် သိပ္ပံဇာတ်လမ်းတစ်ပုဒ် ဖြစ်ရေ။ ရိုဘော့ရေ ခေတ်သစ် စကားအရ အလိုအလျောက် အလုပ်လုပ်နိုင်ရေ စက်ရုပ် ဖြစ်ရေ။ [1]
ဂနိခေတ်[edit | edit source]
စက်ရုပ်အသုံးပြုမှုမှာ အကြမ်းအားဖြင့် အာရှတိုက်တွင် ကမ္ဘာ့စက်ရုပ်တိအာလုံးဧတစ်ဝက်ခန့်၊ဥရောပတိုက်တွင် ၃၂% ၊မြောက်အမေရိကတိုက်တွင် ၁၆% ၊ဩစတေးလီးယားတွင် ၁% နန့် အာဖရိကတွင် ၁% ခန့် ဟိကတ်ရေ။ ဂျပန်နိုင်ငံဟိ စက်ရုပ်တိမှာ တစ်ကမ္ဘာလုံးတွင် ဟိရေ စက်ရုပ်တိဧ ၃၀% ခန့်ပင်ဟိရေ။ ဆိုလိုရေမှာ ကမ္ဘာတစ်ဝန်းဟိနိုင်ငံတိထက် ဂျပန်နိုင်ငံမှာ စက်ရုပ်တိ ပိုမိုပိုင်ဆိုင်ခြင်းဖြစ်ရေ။ အမှန်တကယ်လည်း ဂျပန်နိုင်ငံရေ ကမ္ဘာပေါ်ဟိ စက်ရုပ်လောကတွင် ဦးဆောင်နီရေ နိုင်ငံတစ်နိုင်ငံဖြစ်ပြီး ဂျပန်နိုင်ငံရေ ကမ္ဘာပေါ်ဟိ စက်ရုပ်မြို့တော် ဖြစ်ရေဟု ဂျပန်တိက ပြောဆိုကတ်ရေ။
ဂျပန်နိုင်ငံနန့် တောင်ကိုရီးယားနိုင်ငံတွင် နောင်တွင် စက်ရုပ်တိဧ အတွေးအခေါ်တိက တိုးမြင့်အောင် ဆောင်ရွက်လိုကတ်ရေ။ တရုတ်နိုင်ငံရေ စက်ရုပ်နည်းပညာတိုးတက်မှုမှာ အမေရိက၊ ဥရောပတိုက်ရို့ထက် နောက်ကတ်ကေလည်း ဂျပန်နိုင်ငံနန့် တောင်ကိုးရီးယားနိုင်ငံရို့ဧ စက်ရုပ် တိုးတက်ထုတ်လုပ်ရီးအပေါ် ရိုးသားစွာ မြင်ကြောင်းထုတ်ဖော်ပြောကြားခရေ။ အရှေ့အာရှတွင် (ဂျပန်၊တောင်ကိုရီးယား၊ တရုတ် ) ရို့တွင် စက်ရုပ်တိရေ လူရို့ကဲ့သို့ အသိဉာဏ်ဟိ၍ သက်ကြီးရွယ်အိုတိအား ကူညီနိုင်မည်၊ အချေ သူငယ်တိဖြင့် ကစားနိုင်မည် သို့ အချေသူငယ်တိအား သင်ပြထိန်းကြောင်းနိုင်မည် အစဟိရေ ရို့ကို ပြုလုပ်နိုင်လာရေအထိ တိုးတက်လာလိမ့်မည်ဟု ယုံကြည်ကတ်ရေ။
ယကေလည်း အနောက်နိုင်ငံတိကမူ ဆန့်ကျင်ဘက် ဖြစ်နီကတ်သကဲ့သို့ ဟိရေ။၎င်းရို့ဧ အယူအဆမှာ နောင်တွင် စက်ရုပ်တိရေ လူသားတိနီရာတွင် အစားထိုးနီရာယူလာမည် ဟူရေ အတွေးတိအား ရုပ်သျှင်၊ စာအုပ်တိကဲ့သို့ရေ မီဒီယားတိမှ တဆင့် ဖော်ပြနီကတ်ရေ။ လေ့လာစောင့်ကြည့်သူအချို့က လူသားတိဧအနာဂတ် အား စက်ရုပ်တိက ခြိမ်းခြောက်လာနိုင်သည့်ဟု ယူဆကတ်ရေ။
အခြားကြည့်ရန်[edit | edit source]
ကိုးကား[edit | edit source]
- ↑ သိပ္ပံနန့်နည်းပညာ ဂျာနယ်၊ အမှတ်(၁၉)၂၀၀၆-ခု၊ မတ်လ