Wp/qug/Tintin

Tintin kamukunapa kapak killkashka

Tintin shuk kamupi kawsak yuyashka runami kan, paypa killkak taytaka Hergé (Georges Rémi, 1907-1983) shutimi kan, paypa rurashkakunaka 24 suyuyuk kamukunapi rimashkami kan. Chay kamukunapi, Tintin paypa allkuwan (Milu nishka), mashikunawan (Kapitan Hatuk, Yachachik Girasol...) sumak aventuraskunatami charin, killa mamata sarun, mamakucha ukupi kuri wakakunata maskan, ashtawan, ashtawanpash. Tintin tiyuka tukuy allpapachakunapi tawka shikan shikan mamallaktakunata riksin. Awya Yalapi payka ishkay kikin mamallaktakunaman rirka (Perú llakta, Shukllachishka America Suyukuna), shuk yuyashka mamallaktakunamanpash (San Theodoros...). Perú llaktapi, payka shuk quechua wamrawan shuk mushuk Inca kapak suyuta rikun, hawa hawa punasuyupi, chaypi Inkakunaka payta wanchinata munan, shinapash kipaka paykunaka Tintin mashikunami tukun, tawka kurita sumak rumikunatapashmi payman karan.

Tintinpa rimashkakunaka ashtawan 80 shikan shikan shimikunapi tikrashkami kan, 350 hunu kamukunata rantishkami kan.