Wp/qug/Ollanta Humala

From Wikimedia Incubator
< Wp‎ | qugWp > qug > Ollanta Humala
Jump to navigation Jump to search
Ollanta Humala, 2006 watapi

Ollanta Moisés Humala Tasso taytaka (27 inti killapi 1962 watapi[1], Lima llaktapi) shuk Piruwanu awkakmi pulitiku runapashmi kan, paypa taytakunaka Isaac Humala Helena Humalapash shutimi kan, Isaac Humala Marksista-lininistami karka, itnukasiristapashmi karka: payka kutin Tawantinsuyu ruranatami munarka. Aymara shimipi, Ollanta nin tukuyta rikuk apu[2] [3].

1991 watapi, Tingo María llaktapi, payka awkakmi kakpika Achik Ñanta (Sendero Luminoso) makarka, 1992 watapi Madre Mía llaktapi kutin Achik ñanta makarka, shinapash shuk runakunaka nin payka kasikay runakunata wanchirka, wichkarka, nanachirkapash, shinapash shuk taripachik mana imata tiyarka yachanata ushanchikchu nirka[3].

2006 watapi, Perú mamallakta pushak tukunkapak Partido Nacionalista Peruano Partiduwan kampañata rurarka, shinapash Alan García pushakka akllashkami karka. Kutin 2011 watapi Ganá Perú tantanakuywan kampañata rurarka, chay pachapi akllashkami karka: 51,6% runakunaka payta akllarka (48,4% Keiko Fujimori tiyata akllarka)[4].

Payka nin paypa kamachiyka ashtawan alli kullkita tukuy runakunapura chawpinka, kurita antata kullkitapash charishpaka allpakunata ñamana hatun imprisaskunaman kararka[3].

Paypa warmika Nadine Heredia shutimi kan, paykunaka kimsa wawakunami charin : ishkay ushikunata charinmi (Illary, Nayra shutimi kan), shuk churipashmi charin, payka Samín shutimi kan[5].

Ashtawan yachakunkapak[edit]

Kaypipash rikupay[edit]