Wp/qug/Nicolas Sarkozy
Nicolas Sarkozy (28 kamay killapi 1955 watapi Paris llaktapi wacharishka) shuk Franciamanta pushak karimi kapan. Pay 16 aymuray killapi 2007 watamantami Franciapak hatun pushakmi kapan, 2012 kutin elecciones nishkapi ñukata akllapaychik nishpa kutin pichka watakunapak hatun pushak tukunatami munan. Paypak partidu UMP nishkami (Union pour un Mouvement Populaire, shina tukuy runakunapak kuyuchik tantanakuy), derecha nishkamantami kapan.
1983 watapi, 28 watakunatalla charikpi, pay Neuilly-sur-Seine llaktapa alcaldeta tukukunmi, kipaka 1993-1995 watakunapi kulkita allichik ministromi tukukun, Édouard Balladur kamachiy pushak kakpi, shinapash 1995 watapi, Sarkozyka Balladur tiyuta presidente tukunkapak ayudashpapash, Balladurpa kuntra Jacques Chirac hatun pushakmi tukurka, chaymantami Sarkozy 1995 watamanta, 2002 watakaman ñana ministruchu karka. 2002 watamanta, 2007 watakaman, Chirac hatun pushakra kashpapash, Sarkozy kutin ministrumi tukukun (Chapakkunata pushak ministru).
2007 watapi, Sarkozy Franciapak hatun pushakmi tukurka: 6 aymuray killapi 2007 watapi, Franciamlanta runakuna paymi akllarka, 53.07% wan, paypa izquierda nishkamanta kuntra Ségolène Royal 46,94%-talla hapirka. Chay watamanta, paypak kuntrakuna nin, kulkiyukkunapalla kutin kullkita kararka, paypak impuestoskunata kuchushpa, chaymanta wakcha runakunaman kullkita karankapakka ñami illashka, shinapash paypak mashikuna nin, pay impuestoskunata kuchushkamanta wakcha runakunapak ashta sumak trabajota charirka. Karu mamallaktakunapi, Francia Aphkanistan llaktapi, Irak llaktapipash makakurka, 2011 watapi Libia mamallaktapipash Muammar Khadafita kalpachinkapak shuk mamallaktakunanti makakrirka. Europa allpapachapi, Alemaniapa kamachiy pushak Angela Merkel-ndi ninanta llankarkami.
2012 watapi, kutin hatun pushakmi tukunkapak, Sarkozy kutin eleccioneskunapi minkarikun. Paypak izquierdamanta kuntra François Hollande shutimi kapan.