Wp/qug/François Hollande
François Hollande (12 chakmay killapi 1954 watapi, Rouen llaktapi wacharichka) shuk Francia mamallaktamanta kapakkapak runami kapan. Pay 1997 watamanta, 2008 watakaman Partido socialista nishkapak umami kashka. 2012 watapi, Franciapak hatun pushakta tukurkami.
1988 watapi, 1993 watakaman, kutin 1997 watamanta kunankaman, Correze kitipa diputado nishkami kapan. Shinallatakmi, 1997 watapi, Susyalistu Partidupa hatun pushakmi tukukun : 2008 watapilla chay llankayta sakirka, pay kipa Martine Aubry Partidupa hatun pushakmi tukurka. 2011 watapi, Partidu runakuna, shuk Franciamanta runakunapash payta akllakurka, 2012 eleccioneskunapi Franciamanta hatun pushakta tukunkapak : chaymanta, 2012 watapi, paypak kuntrakunawan hatun pushakta tukunkapak imata rurasha nishpami tukuy runakunaman ñukata votapay nikun. Pay izquierda nishkamanta kay eleccioneskunapi yallik hatun pushakmi kapan, derecha nishkamant yallik hatun pushakka Nicolas Sarkozy shutimi kapan : Sarkozy 2007 watamanta ñami Franciapak hatun pushakmi kapan. Shuk partidukunamanta pushakkunami hatun pushakta tukunata munan: sinchi izquierdamanta Jean-Luc Mélenchon, sinchi derechamanta Marine Le Pen, centro nishkamanta François Bayrou.
15 aymuray killapi 2012 watamanta, shuk pushakkunamanta yallik votosunata tantachikpi, François Hollande Francia mamallaktapa hatun pushakmi kapan. Hollande pushakka paypak mashi Jean-Marc Ayrault Primer ministro nishkata tukunkapak akllarka.