Wp/qug/Karanki runakuna

Karanki
Mamallakta	Ecuador
Llaktari allpa	Impapura marka, Ibarra kiti, Atuntaki, Otavalo kiti, Pimampiru kiti
Runakuna	15 000
Shimi	Kichwa Iskay niki shimi: kastilla shimi
Iñiy	Kristiyanu iñiy Tawantinsuyu iñiy

Karankikuna, shinalla karanki runakuna, nishkaka Chinchay Ecuador mamallaktapi kawsak runakunami kan. Paykuna Imbabura markapi kawsan, Ibarra kitipi (La Esperanza, Ankuchawa, Karanki, San Antonio kitillikunapi), Atuntaki kitipi (Andrade Marín kitillipi), Otavalo kitipipash (Iluman kitillipi), Pimampiru kitipi (Mariano Acosta, Siksipampa kitillikunapipash).

Kullkikamay

Tawka Karanki runakunaka tarpukmi kan: paykuna urkukunapi trikuta, cebadata, papata, ukatapash tarpun, shinallatak uray chakrakunapi saratami tarpun. Chay murukunata, mikunakunatapash llaktakunapi mikun, ashtawan charikpika mercadopi katun. Kunan pachapi, paykunaka shuk mikunakunata katunkapak mirachikun, shina miel de abejata, quesoskunatapash. Shinalla, kunan pachapi, wakin ayllullaktakunapi, runakuna turismuwan llankan: shuk llaktamanta runakunaka Karanki runallaktaman urkuman rinkapak, ayllukunaman kawsankapak chayanmi. Shinapash, llaktapi mana llankayta charikpika, tawka Karankikuna shuk Ecuador mamallaktapak llaktakunaman llukshin.

Tantanakuykuna

• La Corporación de Comunidades Indígenas de Ibarra (FICI, ECUARUNARI, CONAIE), Ibarra kiti
• Unión de Comunidades Indígenas de Angochahua y la Esperanza (UNOCIA, FENOCIN), Ibarra kiti
• Consejo Indígena Comunitario Mariano Acosta (FICI, ECUARUNARI, CONAIE), Mariano Acosta kitilli, Pimampiru kiti
• Unión de Comunidades Campesinas de Sigsipamba, (FICI, ECUARUNARI, CONAIE), Siksipampa kitilli, Pimampiru kiti

Kaypipash rikupay

• Ecuador mamallaktapa ayllu runakuna