Wp/qug/Juan Manuel Santos

From Wikimedia Incubator
< Wp‎ | qugWp > qug > Juan Manuel Santos
Jump to navigation Jump to search
Juan Manuel Santos, 2010 watapi

Juan Manuel Santos (10 chakmay killapi 1951 watapi Bogotá llaktapi wacharishka) shuk Colombiamanta pushakmi kapan, 7 kuya killapi 2010 watamanta Colombia mamallaktapak hatun pushakmi kapan. Paypak hatun taytapak wawki Eduardo Santos 1938-1942 watakunapi hatun pushakmi karka. Paypak ayllukuna El Tiempo nishka willak pankata charinmi, chaymanta 1983 watamanta kay waillak panka ukupi llankarka, 1993 watamanta, 2004 watakaman ishkay vecesta Partido Liberal nishkamanta ministromi kashka. Shinapash, 2004 watapi, kay partitumanta llukshirka, mashikunawan Partido de la U nishkata kamachinkapak. 2006 watamanta 2009 watakaman Álvaro Uribe hatun pushakpak Harkaypak ministrumi kashka (ministro de defensa nishka), Partido de la U nishkamanta. 2010 watapi, 69.13% votoskunata hapishpa hatun pushakta tukushka, paypak kuntra [[Wp/qug/Antanas Mockus (waylla partidumanta) 30.87%-talla hapirka). [[Wp/qug/Venezuela|Antanas Mockus (waylla partidumanta) 30.87%-talla hapirka). Venezuela hatun pushak Hugo Chávezwan kutin rimarka (Álvaro Uribe hatun pushak kashpa Colombia Venezuelawan ñana rimanata munarka). Colombiapak uku makanakuypi, FARC nishkakunata sinchi makarka. pay Harkaypak ministrumi kakpi, hatun pushak kakpipash, Colombia mamallaktamanta awkakkuna chay FARC pushakkunata wañuchirka: Raúl Reyes 2007 watapi, Mono Jojoy 2010 watapi, Alfonso Cano 2011 watapi.