Wp/qug/FARC

From Wikimedia Incubator
< Wp‎ | qugWp > qug > FARC
Jump to navigation Jump to search
FARCkuna warmi awkakkuna

FARC nishkakuna, FARC-EP nishkapash (Kastilla shimipi, Fuerzas armadas revolucionarias de Colombia - Ejército del Pueblo, shina Colombiapak katarik tantachishka awkakkuna - Runakunapak Ijirsitu) Colombia mamallaktapi shuk awkakkunami kapan, guerrilla nishkami. Paykunaka Kumunista nishkakunami kapan, sinchi sinchi katarishpa Colombiapa gobiernota urmachinata munakun, shuk mushuk gobiernota churankapak. Paykuna nin, Colombiapa gobiernoka na allichu kapan, tarpukkuna llankakkunapash llaki llaki, wakcha wakcha yallikpipish gobiernoka kullkiyukkunatalla cuidanmi. Chaymanta FARC nishkakuna 1964 watamanta, kunankaman Colombia pakgobiernopa kuntrakunami kapan, chaymanta tuklla antanakunata churashpa, llaktakunata hapishpa, awkakunata chapakunatapash wanchishpa makanakunmi. Shinapash, tawka karu llaktamanta gobiernokuna FARCkunaka terroristakunami nin, shina shina Europa mamallaktakunapa tantanakuy, Shukllachishka America Suyukunapash. Chay mamallaktakunapa gobiernoskunaka FARCkunamari Colombiamanta runakunata llakichikun nin, paypak makanakuykunawan.

FARCkunapak hatun pushakkuna chaykunami karka : 1964 watamanta, 2008 watakaman, Manuel Marulanda Vélez, kipaka 2011 watakaman Alfonso Cano, kipaka Timoleón Jiménez.