Wp/qug/Georges Brassens

From Wikimedia Incubator
< Wp‎ | qugWp > qug > Georges Brassens
Jump to navigation Jump to search
Georges Brassens, 1966

Georges Brassens (1921-1981) shuk Franciamanta takikmi, arawikpashmi kapan, payka 1952 watamanta, 1976 watakaman chunka-chusku diskukunata rurarkami.

Payka Sète llaktapi wiñashkami kan (uran Franciapi), paypa taytakuna takikunata ninanta gustarka (mamaka Italiamantami). 1936 watapi, shuk sumak yachachikmanta (Alphonse Bonnafé shutiyuk), payka arawikuna killkanata kallarirkami. Charles Trenet takikunata uyakpika, payka chay hatun takikshinami tukunakapak munan. 1943manta 1944kaman, STO nishkamanta, payka na munakpipash Alemaniaman llankankapak rinami karka (hatun makanakuymanta). Kipaka, Parisman tikrakpika, Jeanne Planche wasipi kawsarka, paypa wayna Püppchen tarirka, 1951 watamanta ishtankukunapi takinkapak kallarirka, 1952 watamanta Patachou nishkapapi takirka. Chay watamanta, ña riksishka riksishkami kapan: uyachik antakunapi, rikuchik antakunapipashmi llukshin. 1954manta, Pierre Nicolaswan tupanakurka, payka shuk contrabaja takikmi: paywanlla kipaka kantanka, Brassens guitarrata takishka, Nicolas Contrabajata takishkapash. Paypak yallik riksishka takikkunami chaykunami kan : Le gorille, Trompettes de la renommées, Chanson pour l'auvergnat, Les copains d'abord, shukkkunapashmi. 1981 watapi, akapanamanta rirka.