Wp/qug/Ayllu

From Wikimedia Incubator
< Wp‎ | qugWp > qug > Ayllu
Jump to navigation Jump to search
Japón mamallaktapi shuk ayllu

Ayllu nishkaka wakin shina yawarta charinakushpa paktami kawsak runakunaka, shina shuk warmika paypak kusawan wawakunanta kawsashpa. Tukuy runa kawsaykunaka ayllukunapurami kawsanakun, shinapash mana tukuy runa kawsaykunapi shinami kanchu. Wakin kawsaykunapi, ayllukuna hatun, tantanakushkami kan, shina kichwa ayllukunaka. Kichwa ayllukunaka hatun tayta, hatun mamata charinmi, tukuy paykunapak churi-ushikunawan, hatun churi, hatun ushikunawanpashmi. Chay ayllukunapi, taytakunaka wawakunaman sumak kawsayta rikuchishpa yachachinmi[1].

Shuk kawsaykunapi, ayllukunaka ashtawan uchillami kan, chay tantanakushka ayllukunapi ishkay sawarishka runakunaka paypak wawakunapashmi tiyan. Kunan pachapi, tawka kawsaykunapi, mana sawarishkachu runakunaka shuk aylluta ruranata ushanmi, shinallatakmi, shina kakpika, shuk ayllupi karipak, warmipakpash ñawpak wawakunami tiyan. Imapash kakpika, tukuy kawsaykunapi, aylluka ashtawan uchilla sinchipash tantanakuykami kapan.

Nawpak pachapika, Tawantinsuyu pachapi, ayllukunaka ashtawan hatunmi karka, paykunaka shuk kikin wakata (uchilla diosta, icha waka urku, pukara etc.) charirka, shuk kurakata (pushakta) charirkapash, chay ayllukunaka shuklla hatun allpata charirka, chay allpata tukuykunapurami yanapanakushpaka llankarka.

Ashtawan yachakunkapak[edit]

Kaypipash rikupay[edit]