Wp/mag/सिन्धुघाटी सभ्यता

सिन्धुघाटी सभ्यता
अन्य नाम	सिन्धु-सरस्वती सभ्यता; हड़प्पा सभ्यता
भौगोलिक विस्तार	दक्खिन एसियामे भारत आउ पाकिस्थानमे मुख्यरूप तथा अफगानिस्थानके कुछ क्षेत्रमे सिन्धु आउ ओकर उपनदी (सहायक नदी) के आसपास ई सभ्यताके बिकास होएल
काल	कान्स्य युग
तिथि	लगभग 2600ई.पू. से 1900 ई.पू.
उदहारण स्थल	हड़प्पा
मुख्यस्थल	हड़प्पा, मोहनजोदड़ो, धोलावीरा, राखीगढ़ी, लोथल, कालीबङ्गा, बनावली, नागेश्वर आउ रंगपुर
पूर्बवर्ती	मेहरगढ़; भिरड़ाना
परवर्ती	चित्रित ग्रे वेयर् सन्स्कृति; बैदिक सभ्यता

सिन्धुघाटी सभ्यता (ल. ३३०० – १३०० ई़पू) प्राचीनभारतके एगो सभ्यता हल । ई सभ्यता बिश्वके प्राचीन सभ्यतामे से एक हे । सिन्धुघाटी सभ्यता दक्खिन एसियामे सिन्धुनदी आउ प्राचीन सरस्वतीनदी क्षेत्रमे बिस्तृत हल ।^[1] ई सभ्यताके सिन्धु-सरस्वती सभ्यता^[2] आउ हड़प्पा सभ्यता^[3] के नामोसे जानल जाहे । ई सभ्यताके प्रारम्भिक बिकास (ल. ७५०० से ३३०० ईपू के बीच^[4]) सिन्धु आउ घघ्घर/हकड़ा (प्राचीन सरस्वतीनदी^[5]) के किनारे होएल । हड़प्पा, मोहनजोदड़ो, कालीबङ्गा, लोथल, धोलावीरा आउ राखीगढ़ी एकर प्रमुख केन्द्र हल ।^[6] बरिस २०१४ मे भिरड़ाणाके सिन्धुघाटी सभ्यताके अखन तकके खोजल गेल सबसे प्राचीननगर मानल गेलहे, जे लगभग ७५०० से ६५०० ईपू के बीच बसल हल ।^[7]^[8]^[9] ब्रिटिशकालमे होएल खुदाईके आधारपर पुरातत्ववेत्ता आउ इतिहासकारके अनुमान हे कि ई अत्यन्त बिकसित सभ्यता हल आउ ई नगर अनेक बेर बसल आउ उजड़ल हल ।^[9]