Wp/mag/युआन राजवंश
युआन राजवंश (चीनी: 元朝, युआन चाओ; मंगोल: दाई ओन उल्स; अंग्रेजी: Yuan Dynasty) सन् १२७१ ईस्वी से सन् १३६८ ईसवी तक चले वाला एक राजवंश हलै जेकर साम्राज्य मे आधुनिक चीन के लगभग पूरा हिस्सा, पुरा मंगोलिया के भूक्षेत्र आउ कुछ आसपास के इलाका शामिल हलै । एकर स्थापना मंगोल नेता कुबलई खान केलकै हल, जे चंगेज ख़ान के पोतो हलै । ई साम्राज्य के मंगोल साम्राज्य के एक विभाग आउ चीन के एक राजवंश दोनो समझल जा है । युआन राजवंश के जमाना मे पूरा चीन पर एक विदेशी जाति लम्बा अरसा तक राज केलकै ।[1] चीनी इतिहास के नजरिया से युआन राजवंश सोंग राजवंश के पतन के बाद आउ मिंग राजवंश के उभरे से पहिले ऐलै । चीन के सम्राट होवे के साथे-साथे कुबलई खान स्वयं के पूर्ण मंगोल साम्राज्य के खागान (सबसे बड़ खान शासको) घोषित कर देलकै हल । खागान होवे से सब अन्य मंगोल खानत, मने कि चगताई खानत, इलखानत आउ सुनहरा उर्दू, पर ऊ अपन अधिपत्य जतवित हलै, लेकिन ओकरा अपन सरताज खाली इलखानी साम्राज्ये मानकै आउ ऊहो वास्तव मे स्वतन्त्रे रूपसे शासन करित रहलै । बाद के युआन सम्राट के तीनो अपन सम्राट कबूल त केलकै लेकिन अपन-अपन इलाका पर ऊ बिन कोनो हस्तक्षेप के अलग विकसित होवित रहलै ।
- ↑ China's Geography: Globalization and the Dynamics of Political, Economic, and Social Change, Gregory Veeck, Clifton Pannell, Christopher Smith, Youqin Huang, Rowman & Littlefield Publishers, 2011, ISBN 978-0-7425-6784-9, ... The Mongol conquest (and the resultant Yuan dynasty) represents a benchmark in China's history. While northern China had been under the control ... For the first time, under the Yuan dynasty, all of China was under foreign occupation ...