Wp/mag/सोङ्ग राजवंश
सोङ्ग राजवंश (宋朝, सोङ्ग चाओ) चीनके एक राजवंश हलै, जेकर शासनकाल बरिस ९६० ईस्वी से बरिस १२७९ ईस्वी तक चललै । ई पाँच राजवंश आउ दस राजशाहीके दौरके बाद शुरू होलै आउ युआन राजवंशके उभरे पर खतम होलै । सोङ्ग राजवंशके कालमे बड़ी प्रशासनिक, सैन्य आउ वैज्ञानिक प्रगति होलै । ई दुनियाके पहिला सरकारो हलै जे कागजके नोट छापकै आउ प्रथम चीनी सरकार हलै जे चीनके एक टिकाऊ नौसेना स्थापित केलकै ।[1][2] एही राजवंशके सत्ताकालमे बारूदके इस्तेमाल सबसे पहिले शुरू होलै आउ चुम्बकके जलिये दिशा बतावल जाए लगलै ।
सोङ्ग राजकालके दु भागमे बाँटल जा है । उत्तरी सोङ्ग (北宋) राजकाल ९६०-११२७ के दौरमे चललै । ई दौरान चीन के अन्दरूनी भाग पर ई राजवंशके नियन्त्रण हलै आउ एकर राजधानी बिआनजिङ्ग नगर हलै (जे आधुनिक युगमे काईफेङ्ग कहला है) । एकर काल के बाद उत्तरी चीनके नियन्त्रण सोङ्ग राजवंशसे छिनके जुरचेन लोगके जिन राजवंश (१११५–१२३४)के चल गेलै । सोङ्ग दरबार याङ्ग्त्से नदीसे दक्षिणमे चल गेलै आउ ओहाँ लिनआन मे अपन राजधानी बनौलकै (जेकरा आधुनिक युगमे हाङ्गझोऊ कहऽहथिन) । ई ११२७ से १२७९ तकके काल के दक्षिणी सोङ्ग काल बोलावल जा है । ई बादके कालमे उत्तरी चीनके हारेके बावजूद, सोङ्ग साम्राज्य चलैत रहलै । चीनके अधिकतर कृषि भूमि पर ऊही सबके नियन्त्रण हलै । जौन साम्राज्यसे रक्षा करेला बारूदके आविष्कार कैल गेलै । १२३४ मे मङ्गोल साम्राज्य जौन-जौन राजवंशके हराके उनकर इलाका पर कब्जा जमा लेलकै आउ फेर सोङ्ग साम्राज्यसे भिड़ गेलै । मोङ्गके खान (मङ्गोलके चौथा खागान, मने सबसे बड़ खान शासक) सोङ्ग वंशसे लड़ैत त रहलै लेकिन १२५९ मे मर गेलै । ओकरा बाद कुबलई खान १२७९ मे सोङ्गके हरा देलकै । ऊ १२७१ मे पहिलहीं अपनहीँके चीनके सम्राट घोषित कर देलकै हल एहिसे ओकर राजवंश, जेकरा युआन राजवंश कहल जा है, के शुरुआत १२७१ ईस्वी मानल जा है ।[3]
इतिहासकार प्राचीन जनगणनासे ज्ञात कैलन है कि सोङ्ग साम्राज्यके आरम्भमे चीनके जनसङ्ख्या लगभग ५ करोड़ हलै, जे ओही हलै जे पहिलेके हान राजवंश आउ ताङ्ग राजवंशके जमानामे होवऽ करऽहलै । लेकिन सोङ्ग कालमे मध्य आउ दक्षिणी चीनमे चौरके पैदावार फैलेसे मिङ्ग राजवंश तक ई बढ़के २० करोड़ हो गेलै हलै । ई कालमे अर्थव्यवस्था खुललै आउ कलो पनपलै । कन्फ्यूशियाई धर्म आउ बौद्धधर्म दोनो विकसित होलै ।
इहो देखी
[edit | edit source]सन्दर्भ
[edit | edit source]- ↑ The great wall at sea: China's Navy enters the twenty-first century, Bernard D. Cole, Naval Institute Press, 2001, ISBN 978-1-55750-239-1, ... The high point of naval developments in imperial China was probably during the Song Dynasty ...
- ↑ History of humanity, Sigfried J. de Laet, UNESCO, 2000, ISBN 978-92-3-102813-7, ... From 1100 onwards, the Song Dynasty started to exploit the explosive potential of gunpowder in the wars with the Jurchen of the Jin ...
- ↑ Gold: A Cultural Encyclopedia, Shannon L. Venable, ABC-CLIO, 2011, ISBN 978-0-313-38430-1, ... In 1271, Kublai Khan completed the consolidation of his vast empire by conquering the remaining Chinese kingdom of the Southern Song Dynasty and establishing himself as head of the Yüan Dynasty, founding a capital in what is now Beijing ...