Wp/mag/मुङ्गेर

मुङ्गेर 𑂧𑂳𑂑𑂹𑂏𑂵𑂩code: anp is deprecated
नगर
मुङ्गेर बिहारमे मुङ्गेरके स्थिति
निर्देशाङ्क: 25.381°N 86.465°E / 25.381; 86.465
देश	भारत
राज्य	बिहार
मण्डल	मुङ्गेर
जनसङ्ख्या  (2011)
• कुल	१३,६७,७६५
भाषा
• प्रचलित भाषा	अङ्गिका, मगही
पिनकोड	811201 से 811214
दूरभाष कोड	+91-6344
वाहन पञ्जीकरण	BR-08
जालस्थल	munger.nic.in

मुङ्गेर रेलवेस्थानक

मुङ्गेर (अङ्गिका: 𑂧𑂳𑂑𑂹𑂏𑂵𑂩code: anp is deprecated ) भारतके बिहार राज्यके मुङ्गेर मण्डलमे स्थित एगो नगर हे । ई गङ्गानदी किनारे बसल हे, तथा मुङ्गेर मण्डलके आउ मुङ्गेर प्रमण्डलके मुख्यालयो हे । ई जनसङ्ख्या अनुसार बिहारके ११मा सबसे बड़ नगर हे । ई जमालपुरसे ८ किमी दूर हे आउ मुङ्गेर-जमालपुर वास्तवमे एके जुड़वा-नगरक्षेत्रके भाग हे । मुङ्गेर मुगलकाल आउ ब्रिटिशराज खनि पूर्वी भारत आउ अविभाजित बङ्गालके प्रमुख नगरमे से एक हलै । ई बिहार आउ पूर्वी भारतके प्रमुख राजनैतिक, सांस्कृतिक, शैक्षणिक आउ वाणिज्यिक केन्द्रमे से एक है । मुङ्गेर राजधानी पटनासे लगभग १८० किमी पूर्वमे, पूर्वी भारतके सबसे बड़नगर कलकतासे लगभग ४८० किमी पश्चिममे आउ देशके राजधानी नया दिल्लीसे १२०० किमी दूर स्थित है ।

ऐतिहासिक दृष्टिसे मुङ्गेर एक प्राचीन शासनस्थल रूपे जानल जा है । कहल जा है कि मुङ्गेरके स्थापना गुप्त (चौथा शताब्दी ई) द्वारा कैल गेलै हल आउ एकरामे एक किला है जेकरामे मुस्लिम सन्त शाह मुश्क नफा (मृत्यु १४९७) के मकबरा है । १७६३ मे बङ्गालके नवाब मीर कासिम मुङ्गेरके अपन राजधानी बनावलक आउ एक शस्त्रागार आउ कयगो महल बनावलक । १८६४ मे एकरा एगो नगरपालिका बना देल गेलै ।

भूगोल

मुङ्गेरके जलवायु उपोष्णकटिबन्धीय है (गर्मीमे गरम आउ जाड़ामे ठण्ढा) । ई जलवायुला कोपेन जलवायु वर्गीकरण उपप्रकार आर्द्र उपोष्णकटिबन्धीय है ।

मुङ्गेर, बिहार के जलवायु आँकड़ा
माह	जनवरी	फरवरी	मार्च	अप्रैल	मई	जून	जुलाई	अगस्त	सितम्बर	अक्टूबर	नवम्बर	दिसम्बर	वर्ष
औसत उच्च तापमान °C (°F)	23.5 (74.3)	26.4 (79.6)	32.5 (90.5)	37 (98.6)	37.9 (100.3)	35.5 (95.9)	31.9 (89.4)	31.2 (88.1)	31.5 (88.7)	30.8 (87.5)	27.7 (81.9)	24.2 (75.6)	30.8 (87.5)
औसत निम्न तापमान °C (°F)	9.4 (48.9)	11.9 (53.4)	16.9 (62.4)	21.8 (71.3)	24.6 (76.3)	25.4 (77.7)	24.9 (76.8)	24.8 (76.6)	24.2 (75.5)	20.9 (69.7)	14.4 (57.9)	10 (50)	19.1 (66.4)
औसत वर्षा मी (इञ्च)	1.5 (0.6)	1.8 (0.7)	1.3 (0.5)	1.3 (0.5)	4.1 (1.6)	17.3 (6.8)	29.7 (11.7)	28 (11)	22.6 (8.9)	8.1 (3.2)	0.5 (0.2)	0.3 (0.1)	116.1 (45.7)
स्रोत: weatherbase

इतिहास

महाभारतकालके 'मुद्गलपुरी' , ९मा - १२मा शताब्दी मुद्गलगिरीके नामसे जानल जा हे । आइन-ए-अकबरी मे एकरा 'मुङ्गगिरि' कहल गेलै हे । मुङ्गेर बङ्गालके अन्तिम नवाब मीर कासिमके रजधानियो हलै । हियेँ मीरकासिम गङ्गा नदी किनारे एक भव्‍य किलाके निर्माण करवैलकै जे १९३४ मे आएल भीषण भूकम्पसे क्षतिग्रस्‍त हो गेलै हल, किन्तु एकर अवशेष अखनियो शेष हे । (ई किलाके सम्बन्धे कहल जा हे कि ई महाभारतकालेके हे) हियाँ स्थित कष्‍टहरिणी घाट हिन्‍दु धर्मावलन्बी सबला पवित्र मानल जा हे । प्रचलित किंवदन्ती सबके अनुसार गङ्गानदी घाटे स्‍नान करेसे एक व्‍यक्तिके सब कष्‍ट दूर हो गेलै हल, तखनियेसे ई घाटके 'कष्‍टहरिणी घाट' के नामसे जानल जा हे । ई पवित्र घाट भिरुए नदीके बीचे माता सीताचरणके मन्दिर स्थित हे । हियाँ जाएला नाओके सहारा लेल जा हे ।

एकर इलावा स्वर्गीय बाबू देवकी मण्डल मुङ्गेरके सबसे बड़ जमीन्दारमे से एक हलन । ऊ धानुक जमीन्दार हलन ।

सम्बन्धित लेख

• जनसङ्ख्या अनुसार बिहारके नगरके सूची
• जनसङ्ख्या अनुसार भारतके नगरके सूची
• मुङ्गेर मण्डल
• बिहार