Wp/mag/महाद्वीप

महाद्वीप वा महादेश एगो बिस्तृत भू-भागके फैलाव हे जे पृथिविपर समुद्रसे अलगे लोकहे । महादीपके व्यक्त करेके कोई स्पष्ट मापदण्ड न हे। अलग-अलग सभ्यता आउ बैज्ञानिक महाद्वीपके भिन्न परिभाषा दे हथ । पर आमराय ई हे कि महाद्वीप धरतीके बड्डी बड़का बिस्तृत क्षेत्र होवहे जेकर सीमा स्पष्ट पहचानल जा सके । पृथिविके जे ७ सबसे बड़का ठोस सतहके टुकड़ा हे ओखनीके महादीप कहल गेल हे आउ ओखनीके अलग-अलग नामो देल गेली हे जेकर नाम कुछ ई प्रकार है - एसिया, अफ्रिका, उत्तर अमेरिका, दक्खिन अमेरिका, अण्टार्कटिका, यूरोप आउ ओसीनिया (आस्ट्रेलिया) ।

पृथ्वी पर केत्ता महाद्वीप हे ई बात पर पूरा सहमति नै हे । कुछ लोग चार या पाँच महाद्वीप स्वीकारहथिन पर अधिकतर लोग छौ या सात महाद्वीपके होवेके मत रखहथिन । भूवैज्ञानिकमे मुख्यरूपसे दु मतभेद हे । पहिला त ई कि का यूरोप आउ एशियाके अलगे-अलगे महाद्वीप मानी या ई दुनोके जोड़के एक महाद्वीप यूरेशिया मानी । दोसर, का उत्तर अमेरिका आउ दक्षिण अमेरिकाके अलगे-अलगे महाद्वीप मानी या एकरा साथे मिलाके एक अमेरिका महाद्वीप मानी । कुछ भूगोल वैज्ञानि एहु सुझाव देलन हे कि यूरोप, एशिया आउ अफ्रिकाके जोड़के यूराफ्रेशिया मानेके चाही (देखथिन अफ्रिका-यूरेशिया) । भारतीय उपमहाद्वीपके अधिकांश भाग भारतीय प्लेटमे आवहे । अतः ओहु कौनो परिभाषासे एक महाद्वीप हे ।