Wp/mag/भारतीय दर्शन

वैदिककालके ऋषि हिन्दुके सबसे प्राचीन दर्शनके नीँव रखलथिन । आरुणि आउ याज्ञवल्क्य (८मा शताब्दी ईसापूर्व) आदि प्राचीनतम हिन्दु दार्शनिक हथिन ।

भारतमे 'दर्शन' ऊ विद्याके कहल जा है जेकर द्वारा तत्वके ज्ञान हो सके । 'तत्व दर्शन' या 'दर्शन' के अर्थ है तत्वके ज्ञान । मानवके दुखके निवृति ला आउ/या तत्व ज्ञान करावहीँला भारतमे दर्शनके जन्म होलै हे । हृदयके गाँठ तभिये खुलऽहै आउ शोक तथा संशय तभिये दूर होवऽ है जखनी एक सत्यके दर्शन होवऽहै । मनु के कथन है कि सम्यक दर्शन प्राप्त होवे पर कर्म मनुष्य के बन्धनमे न डाल सकै तथा जिनका सम्यक दृष्टि न है उहे संसारके महामोह आउ जालमे फंस जा हथिन । भारतीय ऋषि जगत् के रहस्यके अनेक कोणसे समझेके प्रयास कैलथिन हे । दर्शन ग्रन्थ के दर्शनशास्त्र भी कहल जा है । ई शास्त्र शब्द ‘शासु अनुशिष्टौ’ से निष्पन्न है ।

भारतीय दार्शनिक के बारे मे टी एस एलियट कहलकै हल-

Indian philosophers subtleties make most of the great European philosophers look like school boys.

(अर्थ: भारतीय दार्शनिक के सूक्ष्मताके देखित यूरोपके अधिकांश महान दार्शनिक स्कूलके लैकन नियन लगऽहै ।)

भारतीय दर्शन कौन प्रकार आउ कौन परिस्थितिमे अस्तित्व मे ऐलै, कुछो प्रामाणिक रूपसे न कहल जा सकऽहै । किन्तु एतना स्पष्ट है कि उपनिषद कालमे दर्शन एक पृथक शास्त्र के रूपमे विकसित होवे लगलै हल ।

इहो देखी

• बौद्ध दर्शन
• भारतीय तर्कशास्त्र
• नीतिकथा
• धर्म दर्शन