Wp/mag/मनु
सनातन धर्म के अनुसार मनु संसार के प्रथम पुरुष हलथिन । प्रथम मनु के नाम स्वयंभुव मनु हलै, जिनकर पिता ब्रह्माजी हलथिन । आउ प्रथम स्त्री हलथिन ब्रह्मा पुत्री शतरूपा । एही प्रथम पुरुष आउ प्रथम स्त्री के मैथुनी सृष्टि से संसार के समस्त जन के उत्पत्ति होलै । मनु के सन्तान होवे के कारण ऊ मानव या मनुष्य कहलौथिन । स्वायंभुव मनु के आदि भी कहल जा है । आदि के अर्थ होवऽ है प्रारम्भ ।
सब भाषा के मनुष्य-वाची शब्द मैन, मनुज, मानव, आदम, आदमी आदि सब मनु शब्द से प्रभावित है । सब मनु के सन्तान हथिन एहीसे मनुष्य के मानव (=मनु से उत्पन्न) भी कहल जा है । ब्रह्मा के एक दिन के कल्प कहऽ हथिन। एक कल्प मे 14 मनु हो जा हथिन । एक मनु के काल के मन्वन्तर कहल जा है । वर्तमान मे वैवस्वत मनु (7मा मनु) हथिन ।