Wp/mag/जमशेदपुर
जमसेदपुर वा जमशेदपुर (सन्ताली: ᱡᱟᱢᱥᱮᱫᱽᱯᱩᱨ) जेकर दोसरनाम टाटानगर-ओ हे, भारतके झारखण्ड राज्जके एगो नगर हे । ई झारखण्डके दक्खिनी भागमे स्थित पूरुबी सिंहभूम मण्डलके भाग हे । जमशेदपुरके स्थापनाके पारसी व्यवसायी जमशेदजी नौशरवान जी टाटाके नामसे जोड़ल जाहे । १९०७ मे टाटा आयरन ऐण्ड स्टील कम्पनी (टिस्को) के स्थापनासे ई नगरके बुनियाद पड़लै । एकरासे पहिले ई साकची नामक एगो आदिबासी गाँओ होवकरहलै । हियाँके मट्टी करिया होवेके चलते हियाँ पहिला रेलवे स्टेशन कालीमाटीके नामसे बनलै जेकरा बादमे बदलके टाटानगर कर देलगेलै । खनिज पदार्थोके प्रचुर मात्रामे उपलब्धता आउ खड़कै आउ सुवर्णरेखा नदीके आसानीसे उपलब्ध पानी, आउ कलकताके भिरु होवेके चलते हियाँ आजके आधुनिक नगरके पहिला बीज बोवल गेलै ।
जमशेदपुर आज भारतके सबसे प्रगतिसील औद्योगिक नगरमे से एक हे । टाटा घरानाके बड्डी कम्पनिके उत्पादन इकाई जैसे टिस्को, टाटा मोटर्स, टिस्कॉन, टिन्पलेट, टिमकन, ट्यूब डिवीजन, इत्यादि हियाँ कार्यरत हे ।