Wp/mag/अयोध्या मण्डल

अयोध्या मण्डल 𑂃𑂨𑂷𑂡𑂹𑂨𑂰 𑂧𑂝𑂹𑂙𑂪code: awa is deprecated अयोध्या जिला
उत्तरप्रदेशके मण्डल
उत्तरप्रदेशमे स्थिति
देश	भारत
राज्य	उत्तरप्रदेश
प्रमण्डल	अयोध्या प्रमण्डल
मुख्यालय	अयोध्या
तहसील	अयोध्या, मिल्कीपुर, रुदौली, बीकापुर, सोहावल
सरकार
• लोकसभा निर्वाचन क्षेत्र	१. अयोध्या (लोकसभा निर्वाचन क्षेत्र)- अयोध्या, बीकापुर, मिल्कीपुर, रुदौली 2. अम्बेडकरनगर (लोकसभा निर्वाचन क्षेत्र)- गोशाईंगञ्ज
• विधानसभा क्षेत्र	अयोध्या, मिल्कीपुर, रुदौली, बीकापुर, गोसाईंगञ्ज
क्षेत्रफल
• कुल	2,522 किमी2 (974 वर्ग मील)
जनसङ्ख्या  (2011)
• कुल	२४,७०,९९६
• घनत्व	979.8/किमी2 (2,538/मील2 )
भाषा
• प्रचलित	अवधी
जनसाङ्ख्यिकी
• साक्षरता	६९.५७%
• लिङ्गानुपात	९६१
समयमण्डल	युटिसि+०५:३० (भारतीय मानक समय)
वाहन पञ्जीकरण	UP-42
मुख्य राजमार्ग	रारा-२७, रारा-३३०, रारा-३३०ए, राज्य राजमार्ग ३०
जालस्थल	ayodhya.nic.in

अयोध्या मण्डल (अयोध्या जिला; अवधी: 𑂃𑂨𑂷𑂡𑂹𑂨𑂰 𑂧𑂝𑂹𑂙𑂪code: awa is deprecated ) भारतके उत्तरप्रदेश राज्यके एगो मण्डल हे । मण्डलके मुख्यालय अयोध्या हे । अयोध्या पवित्र सरयू नदी तटे स्थित हे । अयोध्या भगवान् रामके जन्मभूमि हे । अयोध्या कोशल साम्राज्यके प्राचीन राजधानी हलै ।

इतिहास

अजमेरके जैनमन्दिरमे सोना पर नक्काशी करके पौराणिक अयोध्याके भव्य चित्रण

वेदमे अयोध्याके ईश्वरके नगर बतावल गेलै हे, "अष्टचक्रा नवद्वारा देवानां पूरयोध्या" आउ एकर सम्पन्नताके तुलना स्वर्गसे कैल गेलै हे । अथर्ववेदमे यौगिक प्रतीकके रूपमे अयोध्याके उल्लेख हे-

अष्टचक्रा नवद्वारा देवानां पूरयोध्या ।

तस्यां हिरण्मयः कोशः स्वर्गो ज्योतिषावृतः ॥

(अथर्ववेद -- १०.२.३१) रामायणके अनुसार अयोध्याके स्थापना मनु कैलक हल । ई पुरा सरयूके तटे बारह योजन (लगभग १४४ किमी) लम्बाई आउ तीन योजन (लगभग ३६ किमी) चौड़ाईमे बसल हलै । ढेर शताब्दी तक ई नगर सूर्यवंशी राजाके राजधानी रहलै । स्कन्दपुराणके अनुसार सरयूके तटे दिव्य शोभासे युक्त दोसर अमरावतीके समान अयोध्या नगरी हे । अयोध्या मूलरूपसे हिन्दु मन्दिरके नगर हे । एहाँ आझो हिन्दुधर्मसे जुड़ल अवशेष देखल जा सकहे ।

जैनमत अनुसार एहाँ चौबीस तीर्थङ्करमे से पाँच तीर्थङ्करके जन्म होलै हल । क्रमसे पहिले तीर्थङ्कर ऋषभनाथ जी दोसर तीर्थङ्कर अजितनाथ जी चौथा तीर्थङ्कर अभिनन्दननाथ जी पचमा तीर्थङ्कर सुमतिनाथ जी आउ चौदहमा तीर्थङ्कर अनन्तनाथ जी । एकर इलावा जैन आउ वैदिक दुनो मतके अनुसार भगवान् रामचन्द्रो जीके जन्म एही भूमि पर होलै । उक्त सब तीर्थङ्कर आउ भगवान् रामचन्द्र जी सब इक्ष्वाकु वंशसे हलन । एकर महत्त्व एकर प्राचीन इतिहासमे निहित हे काहेकि भारतके प्रसिद्ध एवं प्रतापी क्षत्रिय (सूर्यवंशी) के राजधानी एही नगर रहलै हे। उक्त क्षत्रियमे दाशरथी रामचन्द्र अवतारके रूपमे पूजल जा हथिन । पहिले ई कोसल जनपदके राजधानी हलै । प्राचीन उल्लेखके अनुसार तखनि एकर क्षेत्रफल ९६ वर्गमील हलै । एहाँ पर सतमा शाताब्दीमे चीनी यात्री ह्वेनसाङ्ग ऐलै हल । ओकर अनुसार एहाँ २० बौद्ध मन्दिर हलै आउ ३००० भिक्षु रहहलथिन ।

अयोध्याके इतिहास अत्यन्त गौरवपूर्ण एवं समृद्ध हे । ई प्रभु श्रीरामके जन्म एवं कर्मस्थली अयोध्या मण्डलके एक प्रमुख नगर हे । प्रभु श्रीरामके जन्मस्थली रामजन्मभूमि अयोध्या जनपदे स्थित हे । राम भरत मिलापके पश्चात् भरत खड़ाऊँ लेके अयोध्या मुख्यालयसे १५ किमी दक्षिण सुलतानपुर रोडे स्थित भरतकुण्ड नामक स्थान पर चौदह वर्ष तक रहलन । एहाँ पतित पावनी मैया सरयू नदी रूपमे अवतरित होके सदियोसे मानव कल्याण करहे ।

अयोध्या नगरे फैजाबाद नगरके स्थापना अवधके पहिले नबाव सआदत अली खान १७३० मे कैलक हल। ऊ एकरा अपन राजधानी बनौलक आउ अयोध्याके नाम बदलके फैजाबाद कर देलक किन्तु ऊ एहाँ बड़ी कम समय व्यतीत कर पौलक । तीसरा नवाब शुजाउद्दौला एहाँ रहहल आउ ऊ नदी तटे १७६४ मे एक दुर्गके निर्माण करवौलकै हल । उनकर आउ उनकर बेगमके मकबरा एही नगरे स्थित हे । १७७५ मे अवधके राजधानीके लखनऊ ले जाएल गेलै । १९मा शताब्दीमे अयोध्याके पतन हो गेलै ।

एकरो देखी

• उत्तरप्रदेशके मण्डल
• अयोध्या