Wp/liv/Sīlda

Kāndav sīlta

Sīlda um bõuv, mis ētiztõ transport pierāst iļ joug, mierōdõm, lop, agā iļ tõv luoik. 20 āigastsadāst sōņõst ētiztõ mōriek, rōdariek agā kēmiz sīldidi ka iļ tuoizt riekūd rištiriek azmõl. Mōīlma amā pitkīm sīlda um Kīnõmōl um 164 kilomētõrt pitkā sīlda Nanjingi ja Shanghai vail, mis pǟl um kierdi rōdariek. Ežmizt sīldad teitõ kivīst ja baļkist iļ piškizt ūrgad ja jougūd. Kīnõmōl ētiz kieužist tänkõbidi sīldidi jubā tūontõ āigastõ jedmõl Kristõzt. Rōmlizt eitiztõ joudziži kōr sīldidi kivīst, tsementõst ja tēgaļist. 1702 āigasts Rūotšõ kēņig Kōrli XII käskīz eitõ sīlda iļ Vēna joug, laz täm suodāvägūd sōgõd kierdõ likkõ Pūoj-suodā āigal. Dēņmō ja Rūotšõ vaizõ iļ Vāldamier ētiztõ 8 kilomētõrt pitkit Öresund sīlda mis sai vaļmõks 2000 āigasts.