Wp/liv/Vēna

From Wikimedia Incubator
< Wp‎ | livWp > liv > Vēna
Jump to navigation Jump to search

Vēna, līvõkīelkõks ka Dougav agā Dīna um amā pitkīm lebbõ Leţmō jūokšõb joug. Ta um 1020 km pitkā, nēšti 325 km Krīevõmōl, 328 km Vāldakrīevõmōl ja 367 km Leţmōl. Vēna īrgõb Valdai mägši, jūokšõb lebbõ Vitebsk ja Polotsk jālgabist Vāldakrīevõmōl ja Vēna-Nīn jālgabst Leţmōl. Rīgõ jālgabs um ta joug-sū, kus ta jūokšõb Vāldamier Rīgõ loppõ agā Piškizõ Merrõ. Täm iļīz-jūokš pǟl sōb kuoigīdõks broutšõ bet alīz-jūokš pǟlõ ātõ eitõd hidro-elektõr-statsijd, mis piedābõd riek kuoigīdõn vizās. Leţmo nim joug iļ Daugava um vanā Baltij kīeld sõnā mis tǟntõb "sūr vež" . Vēna nimūd mūši kīelši Düna, Dvina, Dźwina tulbõd līvõ kēļizõst nimst Vēna, mis tǟndõks um sadām agā mierōdõm.

Siedā nim um nimtõd Viking sāgis ja Krīevõmō Nestor krūonikās. Nei-īž sõnā tõvkõks um tund ka sūomlizt muinizt-nīžõd veggi-mīez Väinämöinen.

Jālgabõd[edit]

Tǟdzizt jālgabõd Vēna aigās āt Andreapol, Zapadnaya Dvina ja Velizh ( Krīevõmōl), Vitebsk, Beshankovichy, Polotsk Vāldakrīevõmōl ja Krāslava Vēna-Nīn, Līvāni, Jēkabpils, Pļaviņas Aizkraukle, Ūž-Jālgab, Lielvarde, Kegums, Ogre, Ikškilā, Kōla-Nīn ja Rīgõ Leţmōl.

Līvlizt[edit]

Vēna joug aigās Aizkraukle ja Rīgõ vail jelīztõ 13. āigastsadās Vēna līvlizt agā vēnalizt ( latīņkīelkõks veinalenses , nemē nēḑi nimtiz Līvõmō Henrik eņtš krūonikās.