Wp/kus/Rodalin Imoru Ayarna
| Sex or gender | female  |
|---|---|
| Country of citizenship | Ghana |
| Place of birth | Bawku |
| Languages spoken, written or signed | English |
| Occupation | Caterer |
Rodalin Imoru Ayarna anɛ onɛ dʋgʋd diib ka da lɛn zi'en Convention People's Party nɔba zug nya' Bawku Central bɛ Upper East Region kʋk la Ghana yʋʋm tusa ayi nɛ anii (2008) vɔɔtʋg la ni.
La'asʋg
Rodalin Imoru Ayarna da paas pʋ’ab la’askanɛ ka pʋ’abanɛ bɛ Upper East Region, da la’asi zin’in ka gban’e ye ba vɔɔti tis pʋ’abanɛ na nya’ yʋʋmkaŋa wadmaannib vɔɔtʋg region la ni.
Nimbanɛ da bɛ la’asʋgin la anɛ Police Women's Association, Prisons Women's Association, Fire Service Women's Association, Market Women's Association, Hairdressers Associations, nɛ pʋ’ab la’asʋgnam bɛdegʋ banɛ bɛ.
Ba da la’as nɛ Abantu for Development, Non-Governmental Organisation (NGO) dinɛ gɔsid pʋ’ab bɛllim yɛla, Women's Manifesto Coalition, Centre for Sustainable Development Initiatives (CENSUDI), asʋ’ʋ-m-mɛŋ lʋgʋr kanɛ gɔsid pʋ’ab nɛ dap bɛllim ka mɛ sʋŋ ka paam nidib ka ba vɔɔti tis pʋ’ab banɛ na nya’ vɔɔtkanɛ kenna la.[1][2]
Di mɛ da ye di sʋŋ nɛ ka vɔɔt la naae yɔllim nɛ sida ka daʋŋ da bɛɛ ka lɛn gɔs yɛla zaŋi keŋ dap nɛ pʋ’ab yɛla, nimma’asim yɛla, gbaʋŋ zamisʋg yɛla, diib yɛla nɛ teŋ la bɛllim sʋŋ yɛla.
vɔɔtʋg
Rodalin Imoru Ayarna da nya' Bawku Central Constituency wadmaannib kʋk la yʋʋm tusa ayi nɛ anii vɔɔtʋg la ni. Amaa ka Adamu Daramani da di ka bas on nɛ o taaba anaasi la Mahama Ayariga, Alhaji Imoro Yaro-N-Kano, nɛ Amidu Alhaji Mamudu Sisala.
Ayarna da paam vɔɔt pisnu nɛ ayi (52 votes) dinɛ zɛm nɛ nɛɛm du'al yinne kɔbiga pʋʋgin (0.1%), ka Adamu Daramani da paam vɔɔt tusa pisi, kɔbiga nɛ pisnu nɛ ayɔpɔi (20, 157 votes) dinɛ zɛm nɛ pisnu nɛ atan du'ali anaasi kɔbiga pʋʋgin (53.4%), Mahama Ayariga da paam vɔɔt tusa piinɛ ayɔpɔi, kɔbistan nɛ pisnii nɛ anu (17, 385 votes) dinɛ zɛm nɛ pisnaasi nɛ ayuobʋ kdu'al yinne kɔbiga pʋʋgin (46.1%) ka Amidu Alhaji Mamudu -N-Kano mɛ da paam vɔɔt pisyɔpɔi nɛ yinne (71 votes) dinɛ zɛm nɛ nɛɛm du'ali ayi kɔbiga pʋʋgin (0.2%).[3][4][5][6][7]
| Na'adɔɔg | Na'aya'ad | Vɔɔt kanl | kɔbiga
pʋʋgin % |
±% | |
|---|---|---|---|---|---|
| New Patriotic Party | Adamu Daramani | 20,157 | 53.4 | 26.7 | |
| National Democratic Congress | Mahama Ayariga | 17,385 | 46.1 | -2.5 | |
| Democratic Freedom Party | Alhaji Imoro Yaro-N-Kano | 71 | 0.2 | — | |
| People's National Convention | Amidu Alhaji Mamudu Sisala | 54 | 0.1 | -0.8 | |
| Convention People's Party | Rodalin Imoru Ayarna | 52 | 0.1 | -0.8 | |
| Majority | 2,772 | 7.3 | -14.6 | ||
| Turnout | — | ||||
Gbanvɛɛnsa
- ↑ https://www.businessghana.com/site/news/sports/73432/Women-s-groups-promise-to-vote-for-women-aspirants-in-Upper-East
- ↑ https://m.facebook.com/JoyPrimeTV/videos/beyond-the-headlines-wednesday-27th-july-2022/1221376342018940/?locale=ms_MY
- ↑ https://www.modernghana.com/ghanahome/ghanavotes/2008/result_parliamentary_all_constituency.asp?region_id=7
- ↑ https://www.ghanaweb.com/GhanaHomePage/election2008/parliamentary.candidates.php?region=7
- ↑ https://www.ghanaweb.com/GhanaHomePage/election2008/parliament.constituency.php?ID=273
- ↑ https://ghanaelections.peacefmonline.com/pages/2008/uppereast/164/
- ↑ https://ghanaelections.peacefmonline.com/pages/2008/parliament/uppereast/164/