Jump to content

Wp/kus/Robert Alagskomah

From Wikimedia Incubator
< Wp‎ | kus
Wp > kus > Robert Alagskomah
Robert Alagskomah
human
Sex or gendermale Dɛmisim gbɛlima
Country of citizenshipGhana Dɛmisim gbɛlima
Given nameRobert Dɛmisim gbɛlima
Place of birthBolgatanga Dɛmisim gbɛlima
Occupationdirector Dɛmisim gbɛlima

Robert Alagskomah anɛ Head of Programmes tis CENSUDI dinɛ aan asʋ’o-m-mɛŋ lʋgʋr (non-governmental organisation) bɛ Bolgatanga, bɛ Upper East Region. Lʋgʋr la da pin’ilnɛ yʋʋm tusir, kɔbiswai nɛ anaasi la ni (1994) ye di maal daʋŋ banɛ bɛ dap nɛ pʋ’ab bɛllim pʋʋgin sʋ’ʋlim la ni.

O da pian pa’al ye Education Support Scheme, dinɛ paas lʋgʋr la tʋʋma ni la, anɛ ye di yɔ’ɔg suori tis pʋ’asada, pʋ’ab nɛ tadimnam ka ba nyaŋi keŋ sakur ka zamis gbaʋŋ di kas-kas anɛ banɛ bɛ region nama atan’ banɛ bɛ North la, pin’inɛ Upper East Region.[1]

O pa’al ye Apoka Scholarship Club la nii, banɛ di’ed sʋŋir la sieba bɛnɛ dɔɔdi anu (Primary 5) kem paae Senior High School. O paas ye lʋgʋr la yɔɔdi ba zamisʋg ligidi, sakur ligidi, tɛɛs ligidi ka lɛn tisidi ba la’asieba ya’as.[2][3]

Bɛllim

Alagskomah anɛ onɛ kpɛmisidi o mɛŋ ka nɔŋ mukkir hali o tʋʋma ni. O tʋmmid sʋ’ʋŋa nɛ nidib ka mɛ lɛn an tuon-gat onɛ na nyaŋi tʋm nɛ o nya’adɔlib ka ba paami ba gban’ar. Ya’asa, o mɔr bɛllim sʋŋ nɛ nidib, ka mɔr baŋir pian’ad pʋʋgin ka di kɛ ka o nyaŋidi paamidi o tʋʋma gban’ar ka mɛ tʋm tʋʋmsʋŋ. O anɛ ninkanɛ bɔɔd tʋʋma hali ka pʋ di’em nɛ o tʋʋma yɛlaa, o mɔr baŋir, mi’ilim dinɛ na nyaŋi sʋŋ ka lʋgʋr la ka di keŋ tuon.

Tʋʋma

Mr Robert Alagskomah, onɛ an Zonal Coordinator tis NDA[4], Upper East Region sʋ’ʋlim la, wɛlisi pa’al ye nwadisa atan paae nwadisa ayuobʋ saŋa tʋʋmtitada banɛ ka ba ye ba maal sʋ’ʋlimin la na tʋm naae.[4]

Fassi ka ba pin’il Northern Development Authority la, Ministry of Special Development Initiative da mɛ zin’igi gɔsid Poverty Eradication Programme (IPEP) Committeenam region wʋsa ye ba vɛɛnsi gɔs dinɛ ka district wʋsa bɔɔd ye di sʋŋ ka ba pʋdig One Million Dollars kanɛ ka ba tis Constituency wʋsa la.

Zonal Coordinator pa’al ye ba sɔnsid nɛ tɛɛns la tuon-gatib nɛ Municipal nɛ District Assembly nam la ye ba baŋ sʋ’ʋlim wʋsa bɔɔd si’eli ba teŋin ye ba tisi ba ligidi ka bam aal.

Mr Alagskomah pa’al ye yɛlkanɛ daamid sʋ’ʋlimnam nɛ districts bɛdegʋ anɛ suoya yɛla, nimma’asim tʋʋma zin’is, Sakuya, ku’onuudim, na’asaa bugum nɛ banɛ kpɛlim

Zonal Coordinator bɛllim tʋntʋnnib banɛ an teŋimbiis ye ba tʋm sʋ’ʋŋa ka da tʋm yɔɔg-yɔɔgɔ. O kpɛmisi ba ye ba mɔ' ka naae tʋʋma la sankanɛ ka ba zi’el la.[5]

Gbanvɛɛnsa

  1. https://assets.publishing.service.gov.uk/government/uploads/system/uploads/attachment_data/file/67531/part-pov-vuln-assess-gh.pdf
  2. https://www.modernghana.com/news/214652/censudi-launches-apoka-scholarship-club.html
  3. https://books.google.com.gh/books?id=e56S9dXFRMMC&pg=PA20&lpg=PA20&dq=robert+alagskomah&source=bl&ots=Ag8WwUOXX3&sig=ACfU3U1qLb9M7up9o-F42um-_I9cve5kmA&hl=en&sa=X&ved=2ahUKEwi3-JW588eBAxXxRkEAHTacBYE4ChDoAXoECAIQAw
  4. 4.0 4.1 https://newsghana.com.gh/work-on-projects-of-bolgatanga-municipal-to-commence/
  5. https://gh.linkedin.com/in/robert-alagskomah-2709a031