Wp/kus/Felicia Adjei

Felicia Adjei

human

Sex or gender	female
Country of citizenship	Ghana
Given name	Felicia
Family name	Adjei
Date of birth	3 March 1974
Languages spoken, written or signed	English, Bono
Occupation	politician, traiteur
Position held	Member of the Parliament of Ghana, Member of the 7th Parliament of the 4th Republic of Ghana
Educated at	Sunyani Technical University
Member of political party	National Democratic Congress
Religion or worldview	Christianity

Felicia Adjei (Ba da du'a o nɛ yuum tusir, kɔbiswai nɛ pisyɔpɔi nɛ anaasi nwadisa atan la daba atan daar, 3 March 1974) anɛ Ghana nid kanɛ an pɔlitis wɛ’ɛd ka an wadmaan tis Kintampo South Constituency bɛ Brong Ahafo Region Ghana nwa ni.O anɛ ma’asim tiig na’adɔɔg nid.

O bɛllim nɛ o sakur ken yɛla

Ba da du’a Adjei bɛ Anyima, Brong Ahafo Region sʋ’ʋlim. O da pin’ili o sakur bɛ Kintampo Methodist Sakur la ni.O mɔr kasɛtta gbaʋŋ kanɛ buon ye advanced diploma bɛ Catering, Food and Nutrition n bɛ Adventist Vocational Institution ka nannana ka li tiak an Techiman Campus of the Valley View University. O lɛm mɔr kasɛtta gbaʋŋ kanɛ buon ye Cookery for Catering Industry diploma yi Sunyani Polytechnic ka nannana ka li an Sunyani Technical University.

O tʋʋma yɛla

O daa keŋ na’asaateŋ on daa tʋʋm bɛ Catering Guest House bɛ Sunyani nya’aŋ la.O daa lɛb Ghana na nɛ o an kpɛɛm bɛ Addfal FA Limited. O daa lɛm ɛɛnb o la’asʋg kanɛ buon ye Felicia Adjei foundation ka o gban’ar daa anɛ ye o tis pʋ’ab paŋ kanɛ nɛ kɛ ka ba zamis nuug tʋʋma , nɛ na’akim nɛ pʋ’asada bɛ sakur nɛ niŋwisigir, kuob nɛ gʋ’ʋl , ka ti’el winzug tarim nam nɛ alaafi yɛla ka mɛ sʋŋ teŋmaalʋg yɛla.

Politiks

O anɛ ma’asim tiig na’adɔɔg la nid. O daa di 2016 vɔɔtʋg la nɛ o lieb wadmaan tis Kintampo South Constituency n paas wadmaandib yikanɛ paasi ayɔpɔi la Ghana Republic kane paasi anaasi la.

On daa di la, ka paam 15,266 vɔɔts kɔbiga pʋʋginɛ o paami 51.79% ka basi o na’anya’ad tiraan na Gyan Alexander on zi’enɛ tis wabʋg na’adɔɔg la, on mɛ daa paami 14,210 vɔɔts kɔbiga pʋʋginɛ o paami 48.21%. wadmaandib yikane paasi ayɔpɔi la ni, o bɛnɛ la’asʋg bama ni Gender nɛ Children committee nɛ communications committee.

O mɛŋ bɛllim yɛla

O pʋ mɔr sid, ka mɔr bipuŋ yinne . Felicia anɛ kristo biig .