Wp/kus/Dzifa aku attivor

Dzifa Ativor

human

Sex or gender	female
Country of citizenship	Ghana
Given name	Dzifa
Family name	Ativor
Date of birth	22 February 1956
Date of death	15 November 2021
Place of death	Accra
Languages spoken, written or signed	English
Occupation	politician
Position held	Minister for Transport and Telecommunications
Educated at	Kpedze, Peki, Century University
Academic degree	bachelor's degree, master's degree
Academic major	Administration, human resource management
Work period (start)	2009
Work period (end)	2015
Member of political party	National Democratic Congress
Religion or worldview	Congregational churches

Dzifa Aku Attivor (22 Fulumfug 1956-15 Sapal 2021) da anɛ Ghanaian politiks nwɛn’ɛd nɛ kpikpin. Onɛ da gⴢt souken lʋgʋr, Ministry of Transport, Ghana ti paae Samanpiid 2015 k’o sig ka li anɛ ye o zaŋ gobina lⴢⴢm sⴢbi tabili li, controversial bus re-branding contract. dinɛ pʋ dⴢlis wada suorɛ. President John Mahama da gaŋ o Fulumfug 2013 Ghanaian general election Samanpiid nwadig la 2012 la nya’aŋ.

O vʋm pin’ilʋg nɛ o sakur ken

Dzifa Aku Attivor da du’anɛ 22 Fulumfug nwadig la 1956. O da pin’ili o sakur nɛ Evangelical Presbyterian Primary School n bɛ Abutia-Teti lin zaŋ 1960 ti paae 1970. O keŋ nɛ Kpedze Secondary School nɛ Peki Secondary School 1970 yʋʋm la ti paae 1975 yʋʋm la, sukuya ayi nwa bɛnɛ Volta Region, Ghana. O da keŋ Government Secretarial  School n zamisi yi nyain nɛ Stenographer Secretary kasɛta gbaʋŋ 1981 yʋʋm la ni. Lin nya’aŋa, o da zamisi di’e Secretarial Secretarial Silver Diploma, Pitman College UK teŋ la ni. O sakur kasɛta gbana yinɛ American Century University, ani k’o di’e Bachelor of Science degree in Administration 2007 yʋʋm la ni nɛ master’s degree Human Resource Management kasɛta gbaʋŋ 2012 yʋʋm la ni.

O tʋʋma yɛla

Attivor da tʋm nɛ ligidi zanlim lʋgʋr, Bank of Ghana la 1976 yʋʋm la ti paae 2003 yʋʋm la ni. Zin’i kan la, onɛ da sʋ’oe tʋʋma la vɛɛnsʋg yɛla sⴢb, ka da lɛn an onɛ da tʋmɛ sʋŋid tʋʋma la kpɛm-titada kⴢn’ⴢb-kⴢn’ⴢba  atan’ Deputy Governors ba yin-yin tʋʋma saŋa ni. O da yuolim lɛn tʋm sʋŋ kpɛɛm kanɛ da gⴢsid tʋʋma kan,bank la zin’ig la yɛla wʋsa ni.

Suoken lʋgʋr la kpɛɛm

Attivor da bɛnɛ nɛ Ma’asim Tiig Na’adⴢⴢg, National Democratic Congress la. O da nya’a Ho West Constituency, NDC vⴢⴢtʋg la 2008 yʋʋm la ni, amaa o da kⴢ’ⴢŋi li tis nɛ Emmanuel Kwasi Bedzrah onɛ da ti di Samanpiid nwadig, 2008 yʋʋm la vⴢⴢtʋg la ni. Amaa President John Atta Mills da gaŋ o niŋ o Deputy Minister for Transport din da yi 2009 yʋʋm la ti paae Yʋʋmpaal nwadig la 2012 yʋʋm la ni. John Dramani Mahama da lieb zugraan nɛ naae la, o da kɛ k’o lieb Minister for Transport kpɛɛm. o da kɛɛs gⴢbina tʋʋma la bas nɛ Samanpiid nadig la 2015 yʋʋm la ni, ka li dⴢlisnɛ gⴢbina lⴢⴢm, buses k’o da gʋlisi li zug ka li da pʋ dⴢlis wada suorɛ.

Dedefund

On da bas gobina tʋʋma la mya’ŋ, o da kpɛn’ɛ o mɛŋ kpikpiŋ tʋʋma ni. O m da lɛn yⴢ’ⴢgi a sʋ’ʋ m mɛŋ tʋʋma zin’ig ka li yʋ’ʋr da an ”Dedefund”, lin k’o da naam ye li sʋŋ biis banɛ mⴢr baŋir ka tadimis lɛɛ bɛɛ ba, pu’ab mⴢⴢr zin’igin nɛ bipⴢla, NGO la mɛ gⴢsid kʋkⴢma 120 banɛ da paam ti’ebig ka bɛ schohaven teŋi nɛ bɛ Ho, Volta Region la.

Sʋ’ʋlim la kʋkraan

Attivor da nie o pʋtn’ɛri paalʋ ka da zuŋi li ye o nya’a sʋ’ʋlim la National Democratic Congress party la kʋkraan Motul nadig la 2018 yʋʋmla ni. O pin’a zug da anɛ ye o na tiak malʋŋ kan an ye dap ma’a zal tʋʋm kan la ka pu’ab mɛ di’e li, o mɛ da lɛn sabis, gⴢbina kanɛ da bɛ saŋ kan la nɛ on da pʋ tʋm ka li dⴢlisi o nⴢdigilig, promises la, amaa o da kⴢ’ⴢŋ vⴢt la, ka lɛɛ da sa’al paati la nidib n banɛ sʋŋid la ye ba niŋ nⴢⴢr yinne, ku’ol guum n sʋŋ onɛ di ya’an la kɛ ka paati, party la ti di ya’an. O da kⴢ’ⴢŋ vⴢt la nɛ, Senloŋ nwadig la 2018 yʋʋm la ni nɛ vⴢtnam 374 ka onɛ da di, John Kudzo Gyapong n aan ba wadmaan la da paam vⴢtnam 491, votes.

Kateŋ tʋʋma

Ba da gaŋ Attivor k’o an ECOWAS Medical Village (EMV) nɛ Eco-medical kʋkraan, o da di’e li I yi nɛ Peter Ahiekpor onɛ da an zin’ig la kpɛɛm nɛ li kʋkraan la, ka ba lɛɛ da vuug o yis ani tis o kpɛŋ, CEO ka Attivor da niŋ medical project la kʋkraan. EMV anɛ a sʋ’ʋ m mɛŋ tʋʋma lʋgʋr kanɛ gban’ae ye li zi’el sibiti kanɛ an sʋm hali ka li na ti’ebid nidib banɛ yit ninsabilis teŋgbaʋŋin, West Africa ied ti’ebʋg South Africa, North America, Europe, Cuba nɛ India. O tʋʋm da anɛ ye o gⴢs ka EMV’s formation la naamʋg la zi’en. Ba da mɛ ti’ebʋg zin’ig la nɛ 40-acre paalʋ zug Accra, Ghana, nɛ satellite sibitinam ninsabilis teŋgbaⴢŋin zink wʋsa. Ti’ebʋg zin’ig la mɛ lɛn tisid tiima, a na niŋ si’em paae ani nɛ ti’ebʋg paamʋg la’ad teŋgbaʋŋ, subregion la ni.

O vʋm bɛllim

Attivoe da kul nɛ Raphael Napoleon Kwaku Attivor, onɛ da kpi 2019 yʋʋm la ni. O da mⴢr biisa atan’, ka da bɛnɛ Evangelical Prebyterian Church, Ghana.

Attivor da kpi nɛ Sapal nwadig la dapiinɛ ayuobʋ daar,2021 yʋʋm la ni, University of Ghana Medical Centre la ni, ka li anɛ ye ban’asi da gban’a o saŋa bi’ela pʋʋgʋn on da an yʋʋma 65 la.

Gⴢsim nɛ’ ya’as

• ·       List of Mahama government ministers

• ·       National Democratic Congress