Wp/kus/Andrew Asiamah Amoako

Andrew Asiamah Amoako

human

Sex or gender	male
Country of citizenship	Ghana
Name in native language	Andrew Asiamah Amoako
Given name	Andrew
Family name	Amoako
Date of birth	24 February 1966
Place of birth	Adansi
Languages spoken, written or signed	English
Occupation	politician, lawyer
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Kwame Nkrumah University of Science and Technology, Kwame Nkrumah University of Science and Technology, Kwame Nkrumah University of Science and Technology, Ghana School of Law
Work location	Kumasi
Member of political party	New Patriotic Party, independent politician
Religion or worldview	Christianity

Andrew Asiamah Amoako (24 February 1966) o anɛ Ghana lɔya, pɔlitis nwɛ’ɛd ka paas Wadmaanib yikanɛ aan anii la, Ghana Republic kanɛ paasi annaasi la ni. Ba da vɔɔt o ka o lieb wadmaan nɛ yʋʋm tusa ayi' nɛ pisi la ni. O da pʋ zi’en na’adɔsi’a nɔbir zugɔ. Nannanna, onɛ an Fomena n bɛ Kumasi sʋ’ʋlim la wadmaan. Onɛ lɛn an Wadmaanib yikpɛɛm kanɛ paas ayi'.

Vʋm nɛ o sakur yɛla

Ba da du’a Amoako nɛ yʋʋm tusir kɔbiswai nɛ pisyuobʋ nɛ ayuobʋ 24-02-1966, Wioso-Adansi n bɛ Kumasi sʋ’ʋlim la. O mɔr MSc in |r of Arts Zaba pansigir (Conflict Resolution) nɛ LLB (Law) yi Kwame Nkrumah University of Science and Technology nɛ lɔyanam kasɛta gbaʋŋ (professional law licence (BL) yi Ghana lɔyanam sakurin la.

O tʋʋma yɛla

On daa nam pʋ kpɛn’ pɔlitis la, o daa anɛ lɔya bɛ Minka Premo and Co. (Akosombo Chambers). O daa lɛn an Estates Officer, Land Officer nɛ Valuer Kumasi Metropolitant Assembly la ni.

Pɔlitiks

On da gban’e ye o kʋ nya’ yʋʋm tusa ayi' nɛ pisi 2020 vɔɔtʋg la ka di yinɛ o mɛŋ na’adɔɔg dim la pʋ maal o sʋ’ʋŋa la, nya’aŋ o da gban’e ye o na nya’a o kɔn’ɔ-kɔn’ɔ ka o kʋ dɔl na’adɔsi’aa.  

O da anɛ Wabʋg na’adɔɔg la nid, ka dɔlisi ba wada gbaʋŋ la zug 3(9), daa yisi o mɛŋ ka yɛl Wadmaan yikpɛɛm la ka o tien yidim la ye o kʋk la yʋ’ʋŋ anɛ zaalim yʋʋmtusa ayi nɛ pisi la nwadis anii la dabpiinɛ atan daar dɔlisid wada gbaʋŋ la yɛl si’em zug 97(1) . Amoako da pʋ siakɛ ka ye ba yis o nɛ na’adɔɔgin la ka ba pʋ yis o wada maalʋginɛ. Ka ye di anɛ Wadmaanib yir la ma’aa na nyaŋi yis o ka na’adɔɔg kʋ nyaŋi yis o ye o ka’ wadmaan na. Lɔya Kwaku Asare da siaki Amoako yɛl si’el la, ka yɛl ye gba’akanɛ ka ba gban’e la anɛ ba dɔlis wada suor, ka di anɛ ba keŋ kɔɔtʋ nwɛnɛ wada gbaʋŋ la 99(1) yɛl si’em la.

Amoako da di Fomena kʋk la yʋʋmtusa ayi nɛ pisi vɔɔtʋg la nɛ vɔɔtnam tusa piinɛ Ayi, kɔbisnii nɛ anu ka onɛ dɔl o ka aan o mɛŋ na’adɔɔg nid la paam tusa piiga, kɔbisyɔpɔi nɛ piswai nɛ anii. Amoaka ma’aa da an Wadmaan kanɛ di yʋʋmtusa ayi nɛ pisi vɔɔt la ka pʋ zi’en na’adɔɔg nɔba zugɔ. On da pʋ dɔl na’adɔɔg la da sʋŋ o nɛ na’adɔɔg ayi la wabʋg (NPP) nɛ ma’asim tiig, (NDC) da pʋ gat taaba. Vɔɔt la nya’aŋ ba da bu’os o bu’osa ka Amoako yɛl ye on pʋ mɔr taal nɛ wabʋg na’adɔɔg la nɛ ban maal o si’em la. Wabʋg na’adɔɔg (NPP) gbansɔbid, John Boadu, yɛl ye Amoako na nyaŋi sɔb gbaʋŋ ka ba lɛn di’e o ya’as. Yʋʋmtusa ayi nɛ pisi nɛ yinne yʋʋmpaal nwadig la daba ayɔpɔi daar, ba da gaŋ Asiamah ye paas Wadmaanib yir kpɛɛm nya’andɔl onɛ paas ayi. Ka di kpɛn’ Ghana gbana pʋʋgin ye on ma’a an onɛ pʋ dɔl na’adɔɔg keŋɛ ka lieb kpɛɛm nya’adɔl.

La’abanɛ ka o tʋm

Amoako an kʋkdaani tis la’askanɛ yʋ’ʋri an banɛ bɛ ɔfis banɛ mɔr nyɔɔd la, o daa paas banɛ gɔsid wadmaan yin suoya dɔlisʋg, la’as kanɛ gɔsid Subsidiary Legislation, la’as kanɛ gɔsid gbaʋŋ zamisʋg yɛla, nɛ banɛ gɔsid sanlimanam nɛ bugum yɛla.

Mɛŋ bɛlim

Amoako anɛ karimbiig