Wp/kus/Abdul-Rashid Pelpuo

Abdul-Rashid Pelpuo

human

Sex or gender	male
Country of citizenship	Ghana
Name in native language	Abdul-Rashid Pelpuo
Given name	Abdul Rashid
Date of birth	5 May 1964
Place of birth	Wa
Languages spoken, written or signed	English
Occupation	politician, coordinator, consultant
Educated at	University of Cape Coast, University of Ghana, University of Ghana, University of Ghana, Wa Senior High Technical School
Member of political party	National Democratic Congress
Religion or worldview	Islam

Abdul-Rashid Hassan Pelpuo anɛ Ghana pɔlitis nwɛ'ɛd. O anɛ Wadmaani tis Wa Central constituency bɛ Upper West Region, Ghana la.

On si'iŋ si'em nɛ o sakur yɛla

Ba da du'a o nɛ yʋʋm tusir nɛ kɔbiswai nɛ pisyuobʋ nɛ anaasi li nwadisa anu la daba anu daar (5 May 1964). O yinɛ Wa teŋ kanɛ bɛ Upper West Region, Ghana. O da maali o Middle School Leaving Certificate nɛ yʋʋm tusir nɛ kɔbiswai nɛ pisyɔpɔi nɛ ayuobʋ (1976). O da maali o O level Education nɛ yʋʋm tusir nɛ kɔbiswai nɛ pisnii nɛ atan la ni (1983) ka maali o A level Education yʋʋm tusir nɛ kɔbiswai nɛ pisnii nɛ ayuobʋ la ni (1986). O lɛn mɔr Diploma in Economics yʋʋm tusir nɛ kɔbiswai nɛ piswai nɛ anaasi la ni (1994) ka tɔlisi maali o Degree Psychology niyʋʋm tusir nɛ kɔbiswai nɛ piswai nɛ anaasi la ni (1994). O da lɛn maali o master's degree nɛ International Affairs ni yʋʋm tusir nɛ kɔbiswai nɛ piswai nɛ anii la ni (1998). O mɔr PhD in Development Policy dinɛ ka o paam yi University of Ghana, African Studies yʋʋm tusa ayi nɛ piinɛ atan' la ni (2013).

Tʋʋma

O da anɛ consultant tis Institute of Policy Alternatives. O da lɛn anɛ Deputy Coordinator for Finance tis National Youth Council ka din nya'aŋ ka o lieb Director tis lʋg kan la. O da lɛn anɛ Agricultural Ag. Regional Director tis zin'ikan ya'as.

Pɔlitis

O da kpɛn' Ghana Wadmaanib yin lanɛ yʋʋm tusa ayi' nɛ anu (2005) la ni. O da zi'enɛ Ma'asim tiig Na'adɔɔg zugʋ nya' Ghana Wadmaanib vɔɔtʋg la yʋʋm tusayi' nɛ anaasi li Nwadis piinɛ ayi' (Samanpiid Nwadig, 2004) la ni.

Pelpuo da anɛ Minister of State Zugraan ɔfisin. Zugraan John Atta Mills da gaŋ o ye an minista onɛ gɔsid dasam nɛ pʋ'asada nɛ ninwisigir yɛla yʋʋm tusa ayi' nɛ awai la, li Nwadisa awai la ni (September 2009). Muntaka Mohammed Mubaraki onɛ aan Asawase Wadmaan la da sɔb gbauŋ ye o kʋ lɛn nyaŋi tʋm tʋʋm kan la ya'asɛ ka sig la. O da tʋmnɛ ala nɛ president n ti lɛn ti'asi ba yʋʋm tusa ayi nɛ piiga yʋʋmpaal Nwadig la ni, 2010. Abdul-Rashid da lieb Majority Leader nya'adɔl ka Akua Dansua di'e o zin'igi lieb Minister for Youth and Sports. Akua da an pu'akanɛ lieb tʋʋma lʋg kaŋa minista yiiga Ghana nwa. Ba da lɛn vɔɔt o ka o paas Ghana nidib anu banɛ da paas Ninsabilis Sʋ'ʋlim Wadmaanib yikanɛ bɛ South Africa la ka o da tʋm nɔɔr ayi' paae yʋʋm tusa ayi nɛ piinɛ atan' la ni (2013). John Mahama saŋa la (2012 - 2016) o da gaŋ o ye o an Minista of State President ɔfisin gɔsid gɔmena nɛ Asʋ'oe-m-mɛŋ nɔɔr yinne yɛla bɛɛ Private Sector Development and Public Private Partnership (PPP). O da lɛn paas la'askanɛ gɔsid Economic Management Team (EMT) yɛla la ya'as. Yʋʋm tusa ayi' nɛ piinɛ ayuobʋ la ni (2016), o da lɛn dii o kʋk la paas nɔɔr anaasi ye o lɛn keŋ yʋma anaasi ya'as tis Wa Central Constituency dim. Ba da gaŋ o ye o an kʋkdaani tis la'askanɛ zu'oe gat la'asʋgnam wʋsa Wadmaanib yin la. La'askanɛ gɔsid nidib kal nɛ temmaalʋg nɛ Wadmaanib dunia wʋsa tʋʋma, Ghana din. O lɛn anɛ ranking member tis Government Assurance Committee, la'askanɛ gɔsid gɔmena Ministanam ka ba tʋm ban yɛl si'eli zi'el la. Nwɛnɛ Wadmaanib yir dɔlisʋg zi'ela nar si'em la (order 151, 2j) nɛ Parliament Committee banɛ gɔsid nidib gaansʋg yɛla la. Girimadaan Pelpuo da lɛn nya' yʋʋm tusa ayi nɛ pisi Wadmaanib nɛ Pirɛsidɛn nam vɔɔtʋg la ka di paas nɔɔr anu ye o lɛn keŋ yʋma anaasi an Wadmaani tis Wa Central. Ba da lɛn vɔɔt o paas nɔɔr atan' ye o an kʋkdaani tis Population and Development Caucus and Ranking Member of the Lands Committee. O da lɛn paas la'askanɛ gɔsid bugum nɛ kpikpiŋ yɛla bɛɛ Energy and Business Committee.

Yʋʋm tusa ayi' nɛ anaasi (2004) vɔɔtʋg

Ba da vɔɔt Pelpuo ye an Wadmaani tis Wa Central constituency yʋʋm tusa ayi nɛ anaasi (2004) Ghana wʋsa vɔɔtʋg la ni. O da zi'eni tisi o sʋ'ʋlim la Wadmaanib yikanɛ paasi anaasi la Ghana Republic kanɛ paasi anaasi la ni (4th parliament of the 4th republic of Ghana). O da paam vɔɔt tusa pisi nɛ yinne nɛ kɔbisyi' nɛ pisyɔpɔi nɛ ayi (21,272) yi vɔɔt tusa pisnaasi nɛ yinne nɛ kɔbisnu nɛ yinne (41,501). Dinɛ an pisnu nɛ yinne du'al atan' kɔbiga pʋʋgin (51.3%). Ba da vɔɔt o ka bas Mornah Anbataayela Bernard onɛ an People's National Convention nid la, Mohammed Adama Kpegla onɛ an Wabʋg Na'adɔɔg, New Patriotic Party nid, Abu Mumuni onɛ an Convention People's Party nid, Osman Mohammed onɛ an Democratic People's Party nid nɛ Osman Imam Sidik onɛ pʋ mɔr Na'adɔɔgɔ, independent candidate. Mornah da paamnɛ vɔɔt tusa piinɛ ayi' nɛ kɔbisyi' nɛ pisnii (12,280) ka Mohammed paam vɔɔt tusa ayɔpɔi nɛ kɔbisyi' nɛ pisnaasi nɛ awai (7,249) ka Abu paam kɔbistan' nɛ pisyɔpɔi nɛ ayuobʋ (376) ka Osman paam kɔbiga nɛ pisyɔpɔi nɛ ayi' (172) ka Osman Imam paam kɔbiga nɛ pisnu nɛ ayi (152). Kɔbiga pʋʋgin, ba da paamnɛ pisi nɛ awai du'ali ayuobʋ (29.6%), piinɛ ayɔpɔi du'ali anu (17.5%), nɛɛm du'ali awai (0.9%), nɛɛm du'ali anaasi (0.4%) nɛ nɛɛm du'ali anaas (0.4%). O da zi'enɛ Ma'asim Tiig Na'adɔɔg la, National Democratic Congress zugʋ nya'. Yʋʋm kan la, Ma'asim Tiig Na'adɔɔg la da paam kʋgʋs piswai nɛ anaasi ma'aa kʋgʋs kɔbisyi' nɛ pistan' pʋʋgin.

La'asbanɛ ni ka o tʋm

O da anɛ tuon gat la'askanɛ gɔsid tam nɛ tiis yɛla bɛɛ Lands and Forestry Committee la ni. O da lɛn paas la'askanɛ gɔsid sanlima tuub nɛ bugum bɛɛ Mines and Energy Committee la. O lɛn paas la'askanɛ gɔsid kpikpiŋ bɛɛ Business Committee yɛla la.

Mɛŋ bɛlim

Abdul Rashid anɛ mɔr