Wp/kum/Хамамат-юрт

Хамамат-юрт — Дагъыстанны Баба-юрт ягъындагъы къумукъ юрт.

Жугърафи ерлешивю

Юрт Терик оьзенни ягъасында, Баба-юртдан гюнбатышгъа багъып 20 чакъырым арекде ерлешген.

Ювукъ юртлар: Чувал-къотан ва Хасанай темиркъазыкъ-гюнтувушда, Старогладовская ва Курдюковская(Мычыгъыш) темиркъазыкъ гюнбатышда, Уцми-юрт ва Ибрагьим-отар къыбла гюнбатышда, Адил-янгы-юрт къыбла-гюнтувушда, Туршунай гюнтувушда.

Адам санаву

2017-нчи йылда адам санаву - 4923 адам.

2002 йылдагъы гьисап алывгъа юртну миллет тизими:

къумукълар — 3292 ад. (71,4 %),
даргилер — 875 ад. (19 %),
тавлулар — 226 ад. (4,9 %),
мычыгъышлар — 172 ад. (3,7 %),
оруслар — 16 ад. (0,3 %),
башгъа миллетлер — 29 ад.

Этимологи

Токъдашдырылгъан кюйде, юртну аты - Уцми Ханмагьаммат Солтанбекни уланына багъышланып къоюлгъан.

Тарихи

Белгили совет тил алими А. Сатыбал билген кююнде Хамамат-юрт алдын Эсги Яхсайны янында, Мычыгъыш Аракъ деген аркъада ерлешген болгъан. Бу тарихи берилишлер булан да белгилене. Шолагъа гёре юрт XVI-XVII асруланы арасында, Эсги Яхсайны якълавуч бару гьисапда яралгъан. XVII асруда бу юртда къумукъ игит Къазанбий Мычыгъышлы тува. XVIII асруда юрт Малтабар деген Терик оьзендеги атавда ерлеше, тек оьзенден оьтмеге къыйынлыкъ учун юртлулар Уцми Ханмагьаммат Солтанбекни уланы булан башында, XIX асруну башында Терик оьзенни онг къолуна гёчелер(Старогладковский станицаны туврасына). Гьалиги ерлешивюне юрт 1881-нчи йыл, терик оьзен бек яйылгъан сонг гёчюле.

Белгили адамлары

Алип-Мурза Девлетмурзаев — агъач-къомузчу, йыравчу.
У. К. Джамбулатов — инкълапчы
Магомед Казанбиев — язывчу
Патимат Абукова — язывчу
Гьарун Рашит — язывчу журналист и издатель
Ю.А.Амаев — ичдеги къуллукъну генерал майору
Г. Адилов — жамият ва сиясат масъалаланы язывчусу

Алимлер

Казихан Казанбиевы — алим, медицина илмуланы доктору
Нариман Казанбиевы — алим, краевед
М.М. Бакуев — алим, медицина илмуланы доктору
А.К.Юсупов — алим, техника илмуланы доктору
Г.С. Алжаматов — алим, техника илмуланы ахтарывчусу
Э.А. Кашкаева — муаллим илмуланы ахтарывчусу
М.А. Аскеров — философия илмуланы ахтарывчусу

Уллу Ватан давда савгъатлангъанлар

Дин къуллукъчулар

Эсгеривлер

Байланывлар