Wp/kum/Къаягент якъ
Къаягент якъ, яда: Къайыгент якъ ― Дагъыстаны къыбла-гюнтувуш денгизде ерлешген админстратив бёлюкдюр. Башгенти - Янгыкъайыгент.
Ортакъ берилишлер
[edit | edit source]Район 1935-нчи йылда Гьайдакъ-Табасаран округну кюрчюсюнде къурулгъан. Районда минг йыллар тарихли булангъы Башлы, Оьтемиш, Алхожагент ва оьзге юртлар бар. Къумукъ тюзню къыбласында ерлешген районну ерлери табиат байлыкълары булан айрыча белгили. Хазар денгизни 42.5 чакъырым боюн тутгъан районну ичинден Темиркъазыкъ-Къавкъаз темир ёл, «Кавказ» федерал машин ёл оьте. Экономик кюрчюсю де юрт хожалыгъы гьисаплана.
Тарихи
[edit | edit source]Къаягент якъ ВЦИК ДОССЖ-ны 23.01.1935-чи йылында чыкъгъан Къарарына гёре къурулгъан. В 1957-нчи йыл якъны башгенти Избербаш шагьаргъа гёчюрюлген. ПВС РСФСР-ни 1.02.1963 йылгъы Буйругъуна гёре Сергокъала юрт якъгъа къошулгъан. ПВС РСФСР-ни 12.01.1965-нчи йылгъы Буйругъуна гёре якъны алдынгы ерлеринде тирилтген, башгенти Янгыкъайыгент юртда.
2014 йылны байсан айны 27-нден башлап якъны ёлбашчысы Гьажи Магьаммат-Эмин Нурутдинни уланы болду. Ол бу ерде Алибек Гьажи-Къурман Хавулутдинни уланыны орнуна гелди.
Адам санаву ва миллет тизими
[edit | edit source]2018 йылгъы халкъны санаву 56 074 гиши.
2010-нчу йылгъы бютюн Арасей гьисап алывгъа гёре миллет тизими.
| Миллет | Санаву, ад. |
Пайы бары халкъдан, % |
|---|---|---|
| къумукълар | 28 357 | 52,43 % |
| даргилер | 22 894 | 42,33 % |
| табасаранлар | 941 | 1,74 % |
| агъуллар | 821 | 1,52 % |
| лезгилер | 267 | 0,49 % |
| оруслар | 134 | 0,25 % |
| къазикъумукълар | 97 | 0,18 % |
| авар тавлулар | 88 | 0,16 % |
| башгъалар | 136 | 0,26 % |
| гёрсетмеген | 354 | 0,65 % |
| савлай | 54 089 | 100,00 % |