Jump to content

Wp/kum/Исмайыл Абдулгьаким Исакъны уланы

From Wikimedia Incubator
< Wp‎ | kum
Wp > kum > Исмайыл Абдулгьаким Исакъны уланы

Исмайыл Абдулгьаким Исакъны уланы (1 инныр 1916 – 17 чилле 2010) – совет-фин ва Уллу Ватан давланы ортакъчысы, Русия Федерацияны игити, миллети — къумукъ.

Таржумасы[edit | edit source]

Абдулгьаким Исмайыл Россияны Империясыны Дагъыстан областини Хасав-юрт ягъыны Яхсай юртунда тувгъан.

1939-нчу йылны къаракъыш айында Къызыл Армиягъа чакъырыла. Уллу Ватан давну 147-нчи атышывчу полк булан къаршылагъан, давлар булан Украйнаны, Акърусну, Легьни, Балтыкъны топуракъларындан оьтген, Запорожиени, Одессаны, Варшаваны душмандан азат этген. Одесса учунгъу давларда яралангъан. Ярасы къолай болгъан сонг, 82-нчи гвардия атышывчу дивизияны айры ахтарыв ротасына онгарылгъан. Шо рота булан Берлинге ерли етишген. Давну ахырында 1-нчи Акърус фронтну 83-нчю атышывчу дивизиясыны 101-нчи айры моторлашдырылгъан ахтарыв ротасында къуллукъ этген. Фронт газетде ону гьакъында къоччакъ ва къоркъув билмейген ахтарывчу деп язылгъан. 1945-нчи йылны 28-нчи яйсанда Абдулгьаким Исмайыл ёлдашлары Алексей Ковалев ва Леонид Горычев булан Рейхстагны къалкъысындагъы минараланы бирисине къызыл байракъны къакъгъан. Шондан сонг «Правда» газетни сурат мухбири Халдей шо уьчевню янгыдан байракъ къагъагъан кююню суратын алгъан. Шо сурат Уллу Уьстюнлюкню белгиси гьисапда сав дюньягъа белгили болгъан. Давну йылларында Абдулгьаким Исмайылов беш керен яралангъан ва гьар гезик асгерге къайтгъан.

1996-нчы йылда Русия Федерацияны президентини буйругъу булан Абдулгьаким Исмайылгъа Русияны Игити деген ат берилген. Давдан сонггъу йылларда ол ата юртунда юрт советни председатели болуп ва юрт хожалыкъ ишлерде ишлеген.

Байланывлар[edit | edit source]