Jump to content

Wp/kum/Залибеков Залибек

From Wikimedia Incubator
< Wp‎ | kum
Wp > kum > Залибеков Залибек

Залибек Залибек Гьажини уланы (Залибеков Залибек Гьажиевич) — 1933-нчю йылда Тёбен Къазанышда тувгъан. Ону атасы Гьажи юрт муаллим, сонг кёп йыллар Орджоникидзени атындагъы колхозда хызб къурумуну секретары болуп ишлеген, Уллу Ватан Давда ортакъчылыкъ этген, сюбай (офицер, забит) болгъан. Залибеков Залибек - биология илмуланы доктору, академик, профессор. Дагъыстанны илму Марказны Каспий бойну биологиясыны артгъан имканлыкъларын уьйренеген институтуну мудири болуп кёп йыллар ишледи. Оьзюню загьмат чалышывунда ол 3 монография ва 100-ден де къолай илму макъалалар язып басмадан чыгъаргъан. Маскёвдеги «Билим» деген басмахана 1994-нчю йылда ону «Дагъыстанны топуракъларыны экологиясы» деген китабын чыгъарды. З. Залибеков Русияны Илмулар Академиясыны янындагъы табиатны ва маданият эсделиклени сакълайгъан комитетини аъзусу этилип сайлангъан.