Wp/kum/Акъав Къаннавур Адилханны уланы

From Wikimedia Incubator
< Wp‎ | kumWp > kum > Акъав Къаннавур Адилханны уланы

Къаннавур Акъав Адилханны уланы Яхсайлы (1925 - 2016) - агроном, механизатор, "Сельхозтехника" республика къурумну ёлбашчысы.

Яшав ёлу[edit | edit source]

Къаннавур Акъав 1925-нчи йылда Яхсайда тувгъан.

16 йыллыкъ чагъында Къаннавур гёнгюллю кюйде фронтгъа барма сюе, тек ону ерли МТС-ге слесарь этип сала ва бажарывлу уланны дав битгенче бир ерге де йибермейлер.

1944-нчю йылда ону Къаннавурдагъы колхозгъа трактор бригаданы бригадирини кёмекчиси этип йибере. Дав битгенде ол Буйнакск шагьардагъы бригадирлер гьазирлейген 6 айлыкъ курслагъа тюше. Ону битдиргенде бригаданы бригадири болуп ишлей.

1949-нчу йылда Къаннавурну Таганрогдагъы юртхозайство институтгъа инженер-механик курсларда охума йибере. Шонда охуп гелгенде ону Яхсай МТС-ни старший механиги этип белгилей. Къаннавур мундада оьзюню бажарывлу касбучу экенин гёрсете. Ол даимде янгылыкълар ярата.

Къаннавурну 1958-нчи йыл дагъы да охума йибере. Ол инженер-механик касбугъа ес болуп къайта ва 1960-нчы йылда ону Яхсай МТС-ни директору этип белгилей. Арадан бир йыл да гетмей ону Хасав-юрт райисполкомну председатели этип чыгъара.Шо ишинде 2 йыл ишлей, тек Къаннавур топуракъда ишлеме сюе. Юртлулары ону 1964-нчю йылда "Правда" колхозну председатели этип сайлайлар. Шонда ишлеген 9 йылны ичинде артда къалып турагъан кохозну, ол ал сыдралагъа чыгъара. Бу колхозгъа председатель болуп тюшгенде гьар гектардан 9 центнер ала буса 3-4 йылдан ашлыкъ чачылгъан авлакълардан 25-27 центнер алагъан эте.

Юрт хозяйство ишлерде етишген уьстюнлюклери учун Къаннавур Акъавовгъа 1967-нчи йылда "Дагъыстанны ат къазангъан механизатору" деген сыйлы ат бериле, 1971-нчи йыл Ленинни ва 1973-нчю йыл буса ону Загьмат Къызыл Байракъ орденлер булан савгъатлай. 1973-нчю йыл бажарывлу ёлбашчыны Дагъыстанны юрт хозяйство управлениесини председатели этип чыгъара. Ону Дагъыстанны гьукуматыны члени этип де сайлай.

Савгъатлары[edit | edit source]

  • 1981-нчи йылда Къаннавур Акъавовгъа "РСФСР-ни ат къазангъан инженери" ва "СССР-ни Госкомсельхозтехникасыны отличниги" деген оьр атлар да бериле.
  • 1985-нчи йылда ол пенсиягъа чыгъа. Пенсияда ол бош турмай ва юртда къызыл керпич чыгъарагъан завод къурма токъташа. Къургъанда шону директору болуп 25 йылар ишлей.

Байланывлар[edit | edit source]