Wp/kum/Аджи Алибек Муцалханны уланы

From Wikimedia Incubator
< Wp‎ | kumWp > kum > Аджи Алибек Муцалханны уланы

Аджи Алибек Муцалханны уланы (1936-2017) – къумукъ тарым билимлени докътуру, профессор.

ДАССР-ни Хасавюрт районну Хамавюртунда 1936-нчы йыл чилле айны 20-да тувгъан. Оьзюню загьмат ёлун баш агроном гьисапда башлагъан, шондан сонг Хасавюрт районну Хамавюртунда «Къызыл партизан» деген колхозну председатели, «Ватан» деген совхозну директору болуп ишлеген. Сонг А.Гьажиев партияны Хасавюрт район комитетини 1-нчи секретары болуп чалышгъан. ДСХИ-ни юзюмчюлюк технологияны, юрт хозяйство малланы сакълавну ва ишлетивню кафедрасыны ёлбашчысы, «Агроэкопроект» деген юзюмчюлюкню, бавчулукъну ва сугъарывну Дагъыстан илму-ахтарыв, проект-технология институтуну директоруну къуллукъларында ишлеген. Алибек Муцалханович республиканы жамият ишлеринде де жагь кюйде ортакъчылыкъ этип тургъан. Ол Дагъыстан Республиканы Оьр Советини депутаты этилип сайлангъан, Дагъыстан Республиканы Башчысыны ягъындагъы Тамазалар советини члени болгъан. Алибек Муцалханович къайда ишлеседе, касбу борчларына жаваплы кюйде янашып, гьар не къайсы масъаланы да кёп ойлашып, тюзевлю кюйде чечип гелген. А. Гьажиевни адамлыкъ хасиятлары ва касбу бажарывлугъу пачалыкъны ягъындан оьр даражада къыйматлангъан. Ол Октябр революция, Загьмат Къызыл Байракъ, Гьюрметлев Белгиси деген орденлери, СССР-ни ВДНХ-сыны гюмюш нишаны булан савгъатлангъан. Огъар Россия Федерацияны илмуларыны ат къазангъан чалышывчусу, Дагъыстан Республиканы илмуларыны ат къазангъан чалышывчусу деген гьюрметли атлар берилген.

Китаплар[edit | edit source]