Wp/krl/Porajärvi

Porajärven šijainti

Porajärvi (paikallisella murtehella Porarvi, venäjäkši Поросо́зеро) on kylä ta mualaiskunta Karjalan tašavallan Šuojärven piirissä. Še šijaiččou Suunujoven varrella 80 kilometrie Šuojärveštä pohjaseh. Kešuškylän lisäksi kuntah kuulutah Koštamukšen ta Humariinan ašutukšet i Šoutujärven kylä. Vuuvven 2010 väješšönlaškennašša kunnašša oli 3061 eläjyä, kumpasista 65 prosenttie oli kanšallisuoltah venäläisie, 13 prosenttie karjalaisie, 13 prosenttie valkovenäläisie ta 2 prosenttie ukrainalaisie.

Porajärven kunnan pinta-ala on 4 935,46 nelijökilometrie. Šen sussietoja ollah pohjasešša Mujehjärven piirin Lentieran ta Šukkajärven, koillisešša Karhumäjen piirin Puatenen ta Čopinan, kuakošša Kontupohjan piirin Hirvahan ta šuvešša Suojärven piirin Naistenjärven ta Loimolan kunnat i länneššä Šuomi. Pinta-alasta 99,4 prosenttie on meččyä. Maisemua leimatah luotehis-kuakkošuuntaset harjut ta niijen välissä olijat šuot.

Koko Porajärvi kuulu lyhyön aikua Šuomella vuosina 1919-1921. Länšioša liitettih Šuomešta Venäjäh vašta jatkošovan jälkeh vuotena 1944.