Wp/krl/Kanarvo
Kanarvo (Calluna vulgaris) on kanarvokašvien heimoh kuuluja monivuotini varpa. Še kašvau hyvičči (parahičči) kuivahkoilla, valosilla ta muaperältäh happamilla paikoilla, kuten kallivoilla ta luuvvoilla, kankašmečissä a rämehillä.
Kanarvo on puuvartini ainavihrie varpa, kumpani kašvau 10–50 senttimetrie korkiekši. Šen lehet olah nieklamaisia ta kašvetah vaššakkah. Kukka on halienpunani kello, kumpasen laita muuvvoštuu nelläštä liistakošta. Kukinto on toispuolehini ryväš lähellä vešan kärkie.
Ylehisenä Šuomešša kašvajana lajina kanarvo on monen meččälajiopin mukahisen meččien kašvupaikkatyypin tunnušlaji. Še on niise Kainuun muakuntalaji ta luokitellah Šuomešša kauppakašviksi.