Wp/krl/Meččä
Meččä on paikka, missä kašvau puita ta aluškašvija. Karjalan ta Šuomen mečät ollah enimyölleh havu- ta lehtimeččie, onnakko šuvemmašša on niise muita meččie. Šajemeččie on molommin puolin ekvatorija.
Šuomelaisešša meččätiippiopissa mečät juatah kolmeh joukkoh: kuiva kankaš, tuoreš kankaš ta lehto. Kuivilla kankailla tärkein puu on mänty, a ylehisiä aluškašvija ollah puola, kanarvo ta jäkälä. Tuoreš kankaš on koštiempi, a šielä kašvetah mussikka, ketunmarja ta jäniksenleipä. Ylehisin puu on mänty tahi kuuši, muašša on äijä šammalie. Lehtoloissa kašvillisuš on tuakein: šielä kašvetah tammi, lehmuš, vuahteri, pähkinäpenšaš, tuomi ta monet muut. Aluškašvija on enämpi kuin muissa meččätiippilöissä.
