Wp/krl/Tuomi
Tuomi (Prunus padus) on ruusukašvien heimoh kuuluja puu.
Koko ta näkö[edit | edit source]
Tuomi on 2-12 metrie korkie tuhjo tahi puu, kumpasella on kešävihannat lehet. Tuomi kaunehešti kukkiu kešän alušša valkehin kukkatertuin. Niistä kašvau loppukešällä ta alkušykyšyllä muštie kivimarjoja, kumpasie pijetäh myrkyllisinä, vaikka ne ollah šyömäkelposie. Tuomi haisou vahvašti.
Tuomen voi ševottua eritenki pakačinpuuh (Frangula alnus).
Käyttö[edit | edit source]
Tuomen marjoja šyyvväh verekšenä. Niistä voijah keittyä niise voijetta, millä voijetah šattautunehie ta šiäkšien puromie paikkoja. Ennein tuomen kuorta käytettih parkkiainehena ta šiitä luajittih vihrietä ta tumman ruškieta väriainehta.
Tuomen puuaineh on luja ta šiitä on luajittu vemmeltä; tuomie pijetäh niise rekie šituos's'a. Muasterit käytetäh tätä puuta pikkuesinehie luaties's'a. Tuomi koristau pihamaita ta šen kukinta-aika lupuau viluo šiätä.